QR UQK: «Almaty-Shardja» ushaǵy bortynan «tiri» júk tabyldy
ASTANA. 19 qyrkúıek. QazAqparat - «Almaty-Shardja» baǵytynda qatynaıtyn ushaqtyń bortynan «tiri» júk tabyldy, dep habarlady QR UQK Shekara qyzmetinen.
Vedomstvonyń aqparatyna qaraǵanda, «Almaty áýejaıy» shekara bóliminiń shekarashylary «Almaty-Shardja» baǵytynda qatynaıtyn G9-0254 reısti rásimdeý barysynda áýe kemesin tekserip, júk salatyn bóliginen úsh sómkege salynǵan 24 suńqar qusyn taýyp aldy. Ár sómkege 8-den salynǵan qustar maqta mataǵa oralǵan.
Qazirgi ýaqytta quqyq qorǵaý organdary Qyzyl kitapqa engizilgen qustardyń ıesin izdestirý ústinde. Al shekarashylar «tiri» júkti Almatydaǵy «Suńqar» ortalyǵyna tabystady.
