QR UQK Akademııasynda jas leıtenanttardy shyǵaryp salý saltanatty jıyny ótti

dep habarlady vedomstvonyń baspasóz qyzmeti.

Qazaqstan Respýblıkasy UQK Akademııasynyń tarıhy 1974 jyly Almaty qalasynda «KSRO MQK basshy jáne operatıvtik quramyn jetildirý kýrstary» qurylǵan kezden bastalady.

1994 jyldyń 26 qańtarynda Mınıstrler Kabınetiniń qaýlysymen UQK Joǵary kýrstary bazasynda Ulttyq qaýipsizdik komıtetiniń ınstıtýty quryldy. Ulttyq qaýipsizdik organdary úshin kadrlar daıarlaý máselesiniń memlekettik deńgeıdegi suranysyna oraı 1999 jyldyń 6 mamyryna UQK Instıtýty Qazaqstan Respýblıkasynyń Prezıdenti N.Nazarbaevtyń Jarlyǵymen UQK Akademııasy bolyp qaıta quryldy.

Akademııa ulttyq qaýipsizdik organdary úshin mamandar daıarlaýdy júzege asyrady. Basshy jáne operatıvtik quramnyń biliktiligin arttyryp, qaıta daıarlaýdy júrgizedi.

81 túlegimiz «leıtenant» alǵashqy ofıtser shenin jáne QR UQK Akademııasyn bitirgendigi jóninde dıplom alady. Olardyń 14-i úzdik dıplommen bitirip otyr. Jas ofıtserler tıisti demalysynan keıin joldama berilgen bolashaq qyzmet oryńdaryna bet alady.

Merekelik sharany QR UQK Tóraǵasy Nurtaı Ábiqaev ashyp, jas leıtenanttarǵa Táýelsiz Qazaqstannyń kıeli topyraǵyn qasterlep, Otanǵa adal qyzmet etińizder dep júrek jardy tilegin bildirip, úzdik dep tanylǵandarǵa alǵashqy leıtenant áskerı shenin saltanatty túrde tabystady.

Sonymen qatar, saltanatty jıynǵa QR UQK basshylyǵy, ulttyq qaýipsizdik orgańdarynyń jáne Uly Otan soǵysynyń ardagerleri men túlekterimizdiń ata-analary qatysty. Merekelik is-shara Akademııa ónerpazdarynyń arnaıy daıyndaǵan kontsertimen jalǵasty.