QR Úkimetiniń otyrysynda 2015 jylǵa deıingi QR-daǵy Sybaılas jemqorlyqqa qarsy kúres jónindegi salalyq baǵdarlama bekitildi

Bul týraly QR Úkimet basshysynyń baspasóz qyzmeti habarlady.

2015 jylǵa deıingi QR-daǵy Sybaılas jemqorlyqqa qarsy kúres baǵdarlamasyn QR Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy (Qarjy polıtsııasy) Qaırat Qojamjarov tanystyrdy.

Sybaılas jemqorlyqqa qarsy kózqaras qalyptastyrý, quqyqtyq saýattylyqty, azamattardyń memlekettik organdarǵa degen senimin arttyrý baǵdarlamanyń aldyńǵy qatarly mindeti retinde aıtyldy.

Osy mindetti júzege asyrý úshin sondaı-aq jańa tehnologııalardy, ınternet-resýrstardy, uıaly baılanysty, áleýmettik zertteýlerdiń ártúrli formalaryn, BAQ ókilderi men qoǵamdyq birlestikterdi tartý arqyly árúrli semınarlar men trenıngterdi ótkizý qolǵa alynbaq.

Sonymen qatar sybaılas jemqorlyq faktileri týraly habarlaǵan azamattardy marapattaý men qorǵaý tetikteri, qol astyndaǵy qyzmetkerlerdiń sybaılas jemqorlyq áreketi úshin memlekettik organ basshylaryn jaýapkershilikke tartý tetigi ázirlenetin bolady.

Baǵdarlamanyń taǵy bir basym baǵyty - sybaılas jemqorlyqqa qarsy kúres salasyndaǵy halyqaralyq yntymaqtastyqty nyǵaıtý bolyp otyr. Qazaqstan sybaılas jemqorlyq jasaǵany úshin qylmystyq jáne azamattyq-quqyqtyq jaýapkershilik jónindegi eýropalyq konventsııany bekitý sharalaryn jalǵastyrady. Bul shet elde qylmystyq qýdalaýdan boı tasalap júrgen qylmyskerlerdi qolǵa túsirý men zańsyz jolmen jymqyrylǵan qarjyny qaıtarý máselesin sheshpek.

QR Úkimet basshysy Kárim Másimov osy Baǵdarlamanyń sóz bostandyǵyna, BAQ pen Qazaqstandaǵy Internettiń damýyna tıgizetin áserin joǵary baǵalady.