QR Úkimetiniń «Ósimdik sharýashylyǵyndaǵy mindetti saqtandyrýdy qoldaý úshin bólinetin aqshany paıdalanýdyń keıbir máseleleri týraly» qaýlysyna ózgerister engizildi
TANA. 21 shilde. QazAqparat - Qazaqstan Respýblıkasynyń Úkimeti 2011 jylǵy 15 shildedegi №805 qaýlysymen «Ósimdik sharýashylyǵyndaǵy mindetti saqtandyrýdy qoldaý úshin bólinetin aqshany paıdalanýdyń keıbir máseleleri týraly» Qazaqstan Respýblıkasy Úkimetiniń 2006 jylǵy 29 qarashadaǵy №1133 qaýlysyna ózgerister engizildi.
Atalǵan qaýlynyń 2, 3-tarmaqtaryna mynadaı redaktsııada ózgerister engizildi:
«2. Agenttiń 2011 jylǵa arnalǵan qyzmetine aqy tóleý 55596799 (elý bes mıllıon bes júz toqsan alty myń jeti júz toqsan toǵyz) teńge mólsherinde bekitilsin.
3. Qazaqstan Respýblıkasy Aýyl sharýashylyǵy mınıstrligi ósimdik sharýashylyǵy salasyndaǵy ýákiletti memlekettik organ men agent arasynda jasalǵan shartqa sáıkes ony jasasqannan keıin kúntizbelik 15 kún ishinde agroónerkásiptik keshendi damytýdy memlekettik qoldaý úshin «2011-2013 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańynda kózdelgen qarajat esebinen agent qyzmetine aqy tóleýdi júzege asyrsyn».
Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
