QR Úkimetiniń «Memlekettik satyp alýdy júzege asyrý erejesin bekitý týraly» qaýlysyna tolyqtyrýlar engizildi

Qazaqstan Respýblıkasy Úkimetiniń qaýlysy № 329

«Memlekettik satyp alýdy júzege asyrý erejesin bekitý týraly» Qazaqstan Respýblıkasy Úkimetiniń 2007 jylǵy 27 jeltoqsandaǵy  № 1301 qaýlysyna tolyqtyrýlar engizý týraly

Qazaqstan Respýblıkasynyń Úkimeti qaýly etedi:

1. «Memlekettik satyp alýdy júzege asyrý erejesin bekitý týraly» Qazaqstan Respýblıkasy Úkimetiniń 2007 jylǵy 27 jeltoqsandaǵy № 1301 qaýlysyna (Qazaqstan Respýblıkasynyń PÚAJ-y, 2007 j., № 49, 600-qujat) mynadaı tolyqtyrýlar engizilsin:

kórsetilgen qaýlymen bekitilgen Memlekettik satyp alýdy júzege asyrý erejesinde:

«9. Konkýrs tásilimen memlekettik satyp alýdy júzege asyrýdyń erekshe tártibi» degen bólimde:
«Memlekettik áleýmettik tapsyrysta kózdelgen kórsetiletin qyzmetterdi memlekettik satyp alýdy júzege asyrýdyń erekshe tártibi» degen kishi bólimde:

mynadaı mazmundaǵy 305-1 jáne 305-2-tarmaqtarmen tolyqtyrylsyn:
«305-1. Zańda jáne osy Erejede kózdelgen talaptardan basqa, bir qarjylyq jyldan asatyn merzimge memlekettik áleýmettik tapsyrysty iske asyrý boıynsha qyzmetterdi memlekettik satyp alý kezinde konkýrstyq qujattama mynadaı málimetterdi qamtýǵa tıis:

1) áleýetti ónim berýshiniń materıaldyq-tehnıkalyq bazasynyń jáne onyń qyzmetkerleri biliktiliginiń sıpattamasy jáne olarǵa qoıylatyn talaptar;

2) qyzmettermen qamtylatyn jeke jáne (nemese) zańdy tulǵalardyń sany týraly aqparat.
305-2. Bir qarjylyq jyldan asatyn merzimge memlekettik áleýmettik tapsyrysty iske asyrý boıynsha qyzmetterdi memlekettik satyp alýdy ótkizý jónindegi konkýrsqa qatysýǵa arnalǵan ótinimderdi qaraý kezinde konkýrstyq komıssııa, eger áleýetti ónim berýshiniń konkýrstyq ótinimi konkýrstyq qujattamanyń talaptaryna, onyń ishinde osy Erejeniń 305-1-tarmaǵynda kórsetilgen talaptarǵa sáıkes kelmese, konkýrstyq ótinimdi qabyldamaıdy.»;

306-tarmaq mynadaı mazmundaǵy ekinshi bólikpen tolyqtyrylsyn:

«Osy tarmaqtyń 2) tarmaqshasynda kózdelgen norma bir qarjylyq jyldan asatyn merzimge memlekettik áleýmettik tapsyrysty iske asyrý boıynsha qyzmetterdi memlekettik satyp alýdy ótkizý jónindegi konkýrsqa qatysatyn áleýetti ónim berýshilerge qoldanylmaıdy.»;

2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri  K.MÁSІMOV.