QR Úkimetiniń qaýlysymen jańa magıstraldyq qubyr salý jobasyn kelisý qaǵıdalary bekitildi

***

Qazaqstan Resp ýblıkasy Úkimetiniń qaýlysy №1305

2012 jylǵy 12 qazan,    Astana, Úkimet Úıi

Jańa magıstraldyq qubyr salý jobasyn kelisý qaǵıdalaryn bekitý týraly

«Magıstraldyq qubyr týraly» Qazaqstan Respýblıkasynyń 2012 jylǵy 22 maýsymdaǵy Zańynyń 5-babybynyń 9) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jańa magıstraldyq qubyr salý jobasyn kelisý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri    S.AHMETOV.

Qazaqstan Respýblıkasy Úkimetiniń 2012 jylǵy 12 qazandaǵy №1305 qaýlysymen bekitilgen

Jańa magıstraldyq qubyr salý jobasyn kelisý qaǵıdalary

1. Jalpy erejeler
1. Osy jańa magıstraldyq qubyr salý jobasyn kelisý qaǵıdalary (budan ári -Qaǵıdalar) «magıstraldyq qubyr týraly» qazaqstan Respýblıkasynyń 2012 jylǵy 22 maýsymdaǵy zańynyń (budan ári- Zań) 5-babynyń 9) tarmaqshasyna sáıkes ázirlendi jáne magıstraldyq qubyr salý jobasyn kelisý tártibin belgileıdi.
2. Osy Qaǵıdalarda mynadaı uǵymdar paıdalanylady:
1) qurylysqa arnalǵan tehnıkalyq-ekonomıkalyq negizdeme (budan ári- TEN) - ınvestıtsııalaý maqsattaryn sıpattaıtyn bastapqy negizgi derekterdi, ınvestıtsııa tıimdiliginiń negizdemesi , onyń ishinde: obektiniń qyzmet etýinen kútiletin ekonomıkalyq, áleýmettik, kommertsııalyq tıimdilikti, sondaı-aq qurylys obektisiniń negizgi tehnıkalyq jáne tehnologııalyq parametrleri týraly málimetterdi jáne obektiniń tehnıkalyq-ekonomıkalyq kórsetkishterin aıqyndaıtyn esepterdi qamtıtyn joba aldy qujattama;
2) qurylys jobasy (qurylystyq joba) - kólemdik-josparlyq, konstrýktsııalyq, tehnologııa­lyq, ınjenerlik, tabıǵat qorǵaý, ekonomıkalyq jáne ózge de sheshimderdi, sondaı-aq qurylysty uıymdastyrý men júrgizýge, aýmaqty ınjenerlik daıyndaýǵa, abattandyrýǵa arnalǵan smetalyq esepteýlerdi qamtıtyn jobalaý (jobalaý-smetalyq) qujattama. Qurylys jobalaryna aqtalmaǵan obektiler qurylysyn konservatsııalaý jáne óz resýrsyn taýysqan obektilerdi keıinnen kádege jaratý jobalary da jatady:
3) Magıstraldyq qubyr - ónimdi qaýipsiz tasymaldaýdy qamtamasyz etetin jelilik bólikten jáne obektilerden turatyn, tehnıkalyq reglamentter men ulttyq standarttar talaptaryna sáıkes keletin biryńǵaı óndiristik-tehnologııalyq keshen;
4) Ýákiletti organ - magıstraldyq qubyr salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ.
2. Qurylys jobasyn kelisý tártibi
3. Jańa magıstraldyq qubyr salý jobasyn kelisý úshin magıstraldyq qubyr salýdy júzege asyrýǵa nıettengen tulǵa (budan ári - múddeli tulǵa) ýákiletti organǵa TEN-di usynady.
4. Ýákiletti organ TEN-di alǵan kúnnen bastap kúntizbelik otyz kúnnen keshiktirmeı ony qarastyrady jáne jańa magıstraldyq qubyr salý jobasyn kelisý týraly ne kelisýden bas tartý týraly sheshim qabyldaıdy.
5. Jańa magıstraldyq qubyr salý jobasynyń TEN kelisý kezinde ýákiletti organ onyń myna talaptarǵa sáıkestigin qarastyrady:
1) ýákiletti organ bekitken Qazaqstan Respýblıkasynyń munaı óndirý jáne taratý teńgerimine sáıkes joba úshin resýrs bazasynyń bolýy;
2) magıstraldyq qubyr trassasyn jáne alańdaryn aýmaqtyń tabıǵı erekshelikterin, eldi mekenderdiń, kólik joldarynyń jáne kommýnıkatsııalardyń ornalasýyn eskere otyryp tańdaý.
6. Jańa magıstraldyq qubyr salý jobasynyń TEN-i osy Qaǵıdalardyń 5-tarmaǵymen kózdelgen talaptarǵa sáıkes kelmegen jaǵdaıda, ýákiletti organ jańa magıstraldyq qubyr salý jobasynyń TEN-in kelisýden bas tartady.Jańa magıstraldyq qubyr salý jobasynyń TEN-in kelisýden bas tartqan jaǵdaıda,ýákiletti organ úsh jumys kúni ishinde bul týraly ótinish berýshini bas tartý sebepterin kórsete otyryp, jazbasha túrde habardar etedi.
Jańa magıstraldyq qubyr salý jobasynyń TEN-i osy Qaǵıdalardyń 5-tarmaǵymen kózdelgen talaptarǵa sáıkes kelgen jaǵdaıda, ýákiletti organ úsh jumys kúni ishinde TEN-di kelisedi.
7. Múddeli tulǵa jańa magıstraldyq qubyr salý jobasynyń TEN-in keliskennen keıin jańa magıstraldyq qubyr salý jobasyn ýákiletti organǵa usynady.
8. Ýákiletti organ jańa magıstraldyq qubyr salý jobasyn alǵan kúnnen bastap kúntizbelik otyz kúnnen keshiktirmeı jańa magıstraldyq qubyr salý jobasyn kelisedi ne jańa magıstraldyq qubyr salý jobasyn kelisýden bas tartady.
9. Ýákiletti organmen kelisilgen jańa magıstraldyq qubyr salý jobasynyń TEN-in, sondaı-aq jańa magıstraldyq qubyr salý jobasynyń sáýlet, qala qurylysy isteri jónindegi ýákiletti organ bergen memlekettik saraptamanyń oń qorytyndysy bolmaǵan jaǵdaıda ýákiletti organ jańa magıstraldyq qubyr salý jobasyn kelisýden bas tartady.
Jańa magıstraldyq qubyr salý jobasyn kelisýden bas tartqan kezde ýákiletti organ úsh jumys kúni ishinde bul týraly múddeli tulǵany bas tartý sebepterin kórsete otyryp, jazbasha túrde habardar etedi.
10. Múddeli tulǵa jańa magıstraldyq qubyr salý jobasyn kelisýden bas tartý sebepterin joıǵannan keıin qujattar ýákiletti organǵa qaıta kelisýge jiberiledi.Qaıta kelisý kezinde qujattardy qaraý ótinish bergen kúnnen bastap on bes jumys kúni ishinde júrgiziledi.
Eskertýlerdi joıǵan jaǵdaıda ýákiletti organ jańa magıstraldyq qubyr salý jobasyn kelisedi.