QR Úkimetiniń Qaýlysymen tólemderdi kartochkalar boıynsha qabyldaý mindeti engizildi
óz qyzmetin júzege asyratyn jerlerde tólem kartochkalaryn paıdalana otyryp, tólemderdi qabyldaýǵa arnalǵan jabdyqty (qondyrǵyny) ornatýdy qamtamasyz etýge, sondaı-aq tólem kartochkalaryn paıdalana otyryp, tólemderdi qabyldaýǵa mindetti qyzmet túrleri bekitildi.
QazAqparat qujattyń mátinin taratady.
Qazaqstan Respýblıkasy Úkimetiniń qaýlysy
2012 jylǵy 29 jeltoqsan №1743 Astana, Úkimet Úıi
Qazaqstan Respýblıkasyńyń aýmaǵynda júzege asyrý kezinde dara kásipkerler nemese zańdy tulǵalar óz qyzmetin júzege asyratyn jerlerde tólem kartochkalaryn paıdalana otyryp, tólemderdi qabyldaýǵa arnalǵan jabdyq (qondyrǵy) ornatýdy qamtamasyz etýge, sondaı-aq tólem kartochkalaryn paıdalana otyryp, tólemderdi qabyldaýǵa mindetti jekelegen qyzmet túrlerin bekitý týraly
«Aqsha tólemi men aýdarymy týraly» 1998 jylǵy 29 maýsymdaǵy Qazaqstan Respýblıkasy Zańynyń 11-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń aýmaǵynda júzege asyrý kezinde dara kásipkerler nemese zandy tulǵalar óz qyzmetin júzege asyratyn jerlerde tólem kartochkalaryn paıdalana otyryp, tólemderdi qabyldaýǵa arnalǵan jabdyq (qondyrǵy) ornatýdy qamtamasyz etýge, sondaı-aq tólem kartochkalaryn paıdalana otyryp, tólemderdi qabyldaýǵa mindetti jekelegen qyzmet túrleri bekitilsin.
2. Mynalardyń kúshi joıyldy dep tanylsyn:
1) «Qazaqstan Respýblıkasynyń aýmaǵynda saýda operatsııalaryn júzege asyrý (qyzmetter kórsetý) kezinde tólem kartochkalaryn paıdalana otyryp, tólemder qabyldaýǵa mindetti saýda (qyzmet kórsetý) uıymdarynyń sanattaryn bekitý týraly» Qazaqstan Respýblıkasy Úkimetiniń 2004 jylǵy 15 jeltoqsandaǵy № 1328 qaýlysy (Qazaqstan Respýblıkasynyń PÚAJ-y, 2004 j., № 49, 629-qujat);
2) «Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2011 jylǵy 18 shildedegi №820 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgeristerdiń 6-tarmaǵy (Qazaqstan Respýblıkasynyń PÚAJ-y, 2011 j., № 47, 643-qujat).
3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.Ahmetov
