QR Úkimetiniń qaýlysymen T.Jaqsylyqov ekonomıkalyq damý jáne saýda vıtse-mınıstri qyzmetine taǵaıyndaldy
ASTANA. 3 aqpan. QazAqparat - QR Úkimetiniń 2012 jylǵy 3 aqpandaǵy № 195 qaýlysymen Tımýr Jaqsylyqov Qazaqstan Respýblıkasynyń ekonomıkalyq damý jáne saýda vıtse-mınıstri qyzmetine taǵaıyndaldy, dep habarlady vedomstvonyń baspasóz qyzmeti.
Osy qaýlymen basqa jumysqa aýysýyna baılanysty Tımýr Súleımenov vıtse-mınıstr qyzmetinen bosatyldy.
Búin QR ekonomıkalyq damý jáne saýda mınıstri Baqytjan Saǵyntaev ujymǵa jańa vıtse-mınıstrdi tanystyrdy. T.Jaqsylyqov halyqaralyq qatynastar, sonyń ishinde halyqaralyq ekonomıkalyq ynpaldastyqty retteý, retteý salasyndaǵy memlekettik sasatty qalyptastyrý jáne syrtqy saýda men syrtqy saýda qyzmetin damytý máselelerine basshylyq etedi.
Tımýr Mekeshuly Jaqsylyqov 1968 jyly týǵan. M.V. Lomonosov atyndaǵy Máskeý memlekettik ýnıversıtetin (1993 ) tarıhshy mamandyǵy boıynsha; Saıası zertteýler ınstıtýtynyń (Strasbýrg qalasy, Frantsııa) magıstratýrasyn (1997 ) eýropalyq zertteýler salasyndaǵy magıstr mamandyǵy boıynsha; Qazaq ekonomıka jáne qarjy ınstıtýtyn (2003 ) ekonomıst mamandyǵy boıynsha bitirgen.
Eńbek qyzmetin 1993 jyly Semeı bıznes jáne kásipkerlik ınstıýtynyń atqarýshy dırektory bolyp bastady.
1997 jyldan - QR Strategııalyq josparlaý jáne reformalar jónindegi agenttiginiń bas mamany, bólim bastyǵy.
1998 jyldan - QR Prezıdenti Ákimshiliginiń Taldaý jáne strategııalyq zertteýler ortalyǵynyń sektor meńgerýshisi.
1999 jyldan - QR Qaýipsizdik keńesiniń Taldaý ortalyǵynyń sektor meńgerýshisi.
2002 jyldan - QR Prezıdenti Ákimshiliginiń Júıeli zertteýler ortalyǵy basshysynyń orynbasary.
2003 jyldan - QR Indýstrııa jáne saýda mınıstrliginiń Dúnıejúzilik saýda uıymyna kirý jónindegi departamentiniń dırektory. 2004 jyldan - Jenevadaǵy Dúnıejúzilik saýda uıymynyń máseleleri jónindegi QR Indýstrııa jáne saýda mınıstrligi ókildór tobynyń basshysy.
2005-2006 jyldary -«Marketıngtik-saraptamalyq zórtteýler ortalyǵy» AQ (Almaty q.) basqarýshy dırektory.
2006 jyldan - QR Ekonomıka jáne bıýdjettik josparlaý mınıstrliginiń «Ekonomıkalyq zertteýler ınstıtýty» RMK bas dırektory.
2007 jyldan - «Astanany turaqty damytý ortalyǵy» JShS dırektory, Astana qalasynyń Ekonomıka jáne bıýdjettik josparlaý departamentiniń dırektory m. a., dırektory.
2008 jyldan beri - Astana qalasy ákiminiń ekonomıka jáne qarjy toptamasy boıynsha orynbasary.
2009-2010 jyldary Qazaqstan Respýblıkasynyń ındýstrııa jáne saýda vıtse-mınıstri.
2010 jylǵy sáýir-tamyz aılarynda Qazaqstan Respýblıkasy ındýstrııa jáne jańa tehnologııalar mınıstrliginiń Investıtsııalar jónindegi komıtetiniń tóraǵasy.
2010 jylǵy tamyzdan bastap - «Qazaqstannyń ınvestıtsııalyq qory» AQ basqarma tóraǵasy boldy.
Eske sala keteıik, burynǵy vıtse-mınıstr T.Súleımenov Eýrazııalyq ekonomıkalyq komıssııanyń ekonomıka jáne qarjy saıasaty jónindegi alqa múshesi (mınıstr) bolyp taǵaıyndaldy.
