QR Úkimetiniń qaýlysymen shýdyń jáne ózge de jasandy akýstıkalyq áserlerdiń normalary bekitildi

***

Shýdyń jáne ózge de jasandy akýstıkalyq áserlerdiń normalaryn bekitý týraly

Qazaqstan Respýblıkasy Úkimetiniń qaýlysy №1270

2011 jylǵy 1 qarasha,   Astana, Úkimet Úıi

 «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 40-baby 1-tarmaǵynyń 12) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan shýdyń jáne ózge de jasandy akýstıkalyq áserlerdiń normalary bekitilsin.
2. Osy qaýly resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                         Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń 2011 jylǵy 1 qarashadaǵy №1270 qaýlysymen bekitilgen

Shýdyń jáne ózge de jasandy akýstıkalyq áserlerdiń  normalary

1. Jalpy erejeler
1. Osy memlekettik tabıǵı qoryqtar aýmaǵyndaǵy shýdyń jáne ózge de jasandy akýstıkalyq áserlerdiń normalary «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 40-baby 1-tarmaǵynyń 12) tarmaqshasyna sáıkes ázirlendi jáne memlekettik tabıǵı qoryqtar aýmaǵyndaǵy shýdyń jáne ózge de jasandy akýstıkalyq áserlerdiń normalaryn belgileıdi.
2. Osy normalarda mynadaı negizgi termınder men anyqtamalar paıdalanylady:
1) akýstıkalyq áserler - jıilik sıpattamalary 1-16 gerts (budan ári - Gts) jıilik aralyǵynda bolatyn kúrdeli spektrlik qurylymnyń retsiz terbelisin bildiretin jasandy ınfradybys;
2) dybystyq qysym - dybystyń qubylýy nátıjesinde paıda bolatyn aýa nemese gaz qysymynyń aýyspaly quraýshysy, Pa;
3) dybystyq qysymnyń deńgeıleri - 9 spektr dıapazonynyń jekeleı alynǵan ýchaskesinde qubylý nátıjesinde paıda bolatyn aýa nemese gaz qysymynyń aýyspaly quraýshysynyń logarıfmdik kórsetkishteri, belgilenýi - L, detsıbel (budan ári - dB);
4) dybystyń eń joǵary deńgeıi, LA. maks., dBA (budan ári - detsıbel A) - ólsheý shegin, dálme-dál kórsetetin prıbordyń (shý ólshegishtiń) kózben sholyp mólsherlegende eń joǵary shekti kórsetkishine sáıkes keletin dybys deńgeıi nemese avtomatty qurylǵymen tirkeý kezinde ólsheý ýaqytynyń bir paıyzy ishinde asyp túsetin dybys deńgeıiniń máni;
5) jol beriletin shý deńgeıi - shýǵa sezimtal júıeler men dybys taldaýshylardyń qatty mazalanýyn jáne olardyń fýnktsıonaldyq jaı-kúıi kórsetkishteriniń eleýli ózgeristerin týǵyzbaıtyn deńgeı;
6) ımpýlstik shý - árqaısysynyń uzaqtyǵy bir sekýndtan az bir nemese birneshe dybys belgisinen turatyn, bul rette «MemST 17187-81» memlekettik standarty boıynsha shý ólshegishtiń tıisinshe «ımpýls» jáne «baıaý» ýaqyt sıpattamalarynda ólshengen dybys deńgeıleri dB (A1) ı dB (A) alǵanda, keminde 7 dB-ǵa erekshelenetin shý;
7) tómen jıiliktegi shý - jıilik sıpattamalary ınfradybystyq jáne estiletin jıilikter aralyǵyndaǵy shekte bolatyn shý;
8) turaqsyz shýdyń LA. ekv., dBA barabar dybys (qýaty boıynsha) deńgeıi - belgili bir ýaqyt aralyǵy ishinde osy turaqsyz shý sııaqty ortasha kvadrattyq dybystyq qysymǵa ıe turaqty keń óristi shýdyń dybys deńgeıi;
9) turaqty shý - dybys deńgeıi  «MemST 17187-81» memlekettik standarty  boıynsha shý ólshegishtiń «baıaý» ýaqyt sıpattamasynda ólsheý kezinde ýaqyt aralaǵynda (kún) 5 dB (A) kóp ózgermeıtin shý;
10) turaqsyz shý - dybys deńgeıi «MemST 17187-81» memlekettik standarty boıynsha shý ólshegishtiń «baıaý» ýaqyt sıpattamasyna ólsheý kezinde ýaqyt jaǵynan ýaqyt aralyǵynda (kún) 5 dB (A) astam mólsherde ózgeretin shý;
11) úndi shý - spektrinde aıqyn baıqalatyn dıskretti únder bar shý. Shýdyń úndestilik sıpaty praktıkalyq maqsattar úshin bir jolaqtaǵy deńgeıdiń kórshi jolaqtardaǵy deńgeıden ári ketkende 10 dB asyp túsýi boıynsha jıiliktiń úshten bir oktavalyq jolaqtaryndaǵy ólshem bolyp belgilenedi;
12) shý - jasandy jolmen shyǵarylǵan, kúshi men jıiligi boıynsha ártúrli dybystardyń retsiz baılanysy;
13) shýdy ólsheý birligi dB jáne naqty qysymnyń adamnyń estý sheginiń ortasha kvadrattyq qysymyna qysymnyń ortasha kvadrattyq mánine araqatynasynyń on mártelik onnan bir eselik logarıfmi dBA bolyp tabylady.
3. Memlekettik tabıǵı qoryqtardyń aýmaǵyndaǵy shý men ınfradybysty ólsheý jáne baǵalaý «MemST 23337-78 (ST SEV 2006-80) Shý. Selıtebtik aýmaq pen turǵyn jáne qoǵamdyq úı-jaılardyń bólmelerindegi shýdy ólsheý ádisteri» memlekettik standartyna sáıkes júrgiziledi.

2. Shý men ınfradybystyń normalanatyn ólshemderi men ruqsat etiletin deńgeıleri
4. Ortasha geometrııalyq jıilikteri: 31,5; 63; 125; 250; 500; 1000; 2000; 4000; 8000 Gts oktavalyq jolaqtardaǵy dybys qysymynyń L deńgeıleri dB turaqty shýdyń normalanatyn ólshemderi bolyp tabylady. Boljamdy baǵalaý úshin LA, dBA dybys deńgeılerin paıdalanýǵa jol beriledi.
5. LAekv, dBA balama (energııasy boıynsha) dybys deńgeıleri jáne LAmaks, dBA barynsha shekti dybys deńgeıleri turaqsyz shýdyń normalanatyn ólshemderi bolyp tabylady.
Turaqsyz shýdyń ruqsat etiletin deńgeılerge sáıkestigin baǵalaý dybystyń balama jáne barynsha shekti deńgeıleri boıynsha bir mezgilde júrgizilýge tıis. Kórsetkishter biriniń mólsherden asyp ketýi osy normalarǵa sáıkes kelmeýshilik retinde qarastyrylýy kerek.
6. Oktavalyq jıilikter jolaqtaryndaǵy dybys qysymy deńgeıleriniń, memlekettik tabıǵı qoryqtar aýmaǵynda estiletin shýdyń balama jáne barynsha shekti deńgeıleriniń ruqsat etiletin mánderi osy normalarǵa 1-qosymshaǵa sáıkes qabyldanady.
7. Memlekettik tabıǵı qoryqtardyń aýmaǵynda estiletin ınfradybys pen jıiligi tómen shýdyń dybys qysymy deńgeıleriniń ruqsat etiletin mánderi osy normalarǵa 2-qosymshaǵa sáıkes qabyldanady.

Shýdyń jáne ózge de jasandy  akýstıkalyq áserlerdiń normalaryna  1-qosymsha

Oktavalyq jıilikter jolaqtaryndaǵy dybys qysymy deńgeıleriniń, estiletin shýdyń balamaly jáne barynsha shekti deńgeıleriniń ruqsat etiletin mánderi

Eskertpe:
Úndilik jáne ımpýlstik dybys úshin - mınýs 5 dBA túzetýin alý kerek.

Shýdyń jáne ózge de jasandy akýstıkalyq áserlerdiń normalaryna 2-qosymsha

Estiletin ınfradybys pen jıiligi tómen shýdyń dybys
qysymy deńgeıleriniń ruqsat etiletin mánderi