QR Úkimetiniń qaýlysymen profılaktıkalyq egý ótkiziletin aýrýlardyń tizimi bekitildi

Qazaqstan Respýblıkasy Úkimetiniń qaýlysy

Profılatıkalyq egý ótkiziletin aýrýlar tizimin, ony ótkizý jáne josparly egilýge jatatyn halyq toptary týraly erejeni bekitý týraly

Qazaqstan Respýblıkasynyń «Halyq densaýlyǵy jáne densaýlyq saqtaý júıesi týraly» 2009 jylǵy qyrkúıektiń 18-indegi Kodekske sáıkes Qazaqstan Respýblıkasynyń Úkimeti QAÝLY ETEDІ:

1. Qosa berilgen:

1) profılaktıkalyq egý júrgiziletin aýrýlar tizimi;

2) profılaktıkalyq egý ótkizý týraly ereje;

3) josparly egilýge jatatyn halyq toptary bekitilsin.

2. Qazaqstan Respýblıasynyń Densaýlyq saqtaý mınıstrligine, oblystar, Astana jáne Almaty qalalarynyń ákimderine:

1) egilý ótkizý týraly erejege jáne onyń merzimderine sáıkes halyqtyń profılaktıkalyq egilýin;

2) medıtsına uıymdary joq eldi mekenderde turatyn halyqty egý maqsatynda kóshpeli egý brıgadalarynyń jumys isteýin qamtamasyz etý júktelsin.

3. Myna qaýlylardyń kúshi joıyldy dep tanylsyn:

1) «Júqpaly aýrýlarǵa qarsy halyqty egýdi jaqsartý sharalary týraly» QR Úkimetiniń 2003 jylǵy mamyrdyń 23-indegi №488 qaýlysy (QR ÚQAJ, 2003 j., №21-22. 216-st.);

2) «Qazaqstan Respýblıkasy Úkimetiniń 2003 jylǵy mamyrdyń 23-indegi №488 qaýlysyna ózgertýler men tolyqtyrýlar engizý týraly» Qazaqstan RespýblıkasyÚkimetiniń 2003 jylǵy jeltoqsannyń 9-yndaǵy №1250 qaýlysy (Qazaqstan Respýblıkasy ÚQAJ, 2003 j., №46, 515-st.):

3) «Qazaqstan Respýblıkasy Úkimetiniń 2003 jylǵy mamyrdyń 23-indegi №488 qaýlysyna ózgertýler men tolyqtyrýlar engizý týraly» Qazaqstan RespýblıkasyÚkimetiniń 2008 jylǵy qańtardyń 22-sindegi №40 qaýlysy (Qazaqstan Respýblıkasy ÚQAJ, 2008 j., №1, 19-st.).

4. Osy qaýly alǵashqy resmı jarııalanǵan kúnnen keıin on kúntizbelik kún ishinde kúshine enedi.

Qazaqstan Respýblıkasynyń Premer-Mınıstri K.Másimov.

Qaýlynyń tolyq mátini respýblıkalyó BAQ-ta jarııalanady.