QR Úkimetiniń qaýlysymen ormandardyń memlekettik monıtorıngin júrgizý qaǵıdalary bekitildi
Qazaqstan Respýblıkasy Úkimetiniń qaýlysy №727
2012 jylǵy 1 maýsym, Astana, Úkimet Úıi
Ormandardyń memlekettik monıtorıngin júrgizý qaǵıdalaryn bekitý týraly
Qazaqstan Respýblıkasynyń 2003 jylǵy 8 shildedegi Orman kodeksiniń 12-babynyń 17-12) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Ormandardyń memlekettik monıtorıngin júrgizý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi
Qazaqstan Respýblıkasynyń Premer-Mınıstri K.MÁSІMOV.
Qazaqstan Respýblıkasy Úkimetiniń 2012 jylǵy 1 maýsymdaǵy №727 qaýlysymen bekitilgen
Ormandardyń memlekettik monıtorıngin júrgizý qaǵıdalary
1. Jalpy erejeler
1. Osy Ormandardyń memlekettik monıtorıngin júrgizý qaǵıdalary (budan ári - Qaǵıdalar) Qazaqstan Respýblıkasynyń 2003 jylǵy 8 shildedegi Orman kodeksiniń 12-babyıyń 17-12) tarmaqshasyna sáıkes ázirlendi jáne ormandardyń memlekettik monıtorıngin júrgizý tártibin belgileıdi.
2. Memlekettik orman monıtorıngi orman qoryn kúzetý, qorǵaý men paıdalaný jáne ormandardy molyqtyrý ormandardyń bıologııalyq áralýandyǵy men ekologııalyq fýnktsııalaryn saqtaý salasyn memlekettik basqarý maqsatynda orman qorynyń jaı-kúıi men qarqynyn qadaǵalaý, baǵalaý jáne boljaý júıesin bildiredi.
3. Ormandardyń memlekettik monıtorıngin júrgizýdi osy Qaǵıdalarǵa sáıkes memlekettik orman ornalastyrý uıymy Qazaqstan Respýblıkasynyń búkil aýmaǵynda biryńǵaı júıe boıynsha júzege asyrady.
2. Ormandardyń memlekettik monıtorıngin júrgizý tártibi
4. Orman sharýashylyǵy memlekettik mekemeleri jyl saıyn, esepti jyldan keıingi jyldyń 20 qańtaryna deıin vedomstvolyq tıesiligi boıynsha orman qoryn kúzetý, qorǵaý, paıdalaný, ormandardy molyqtyrý jáne orman ósirý salasyndaǵy oblystyń (respýblıkalyq mańyzy bar qalanyń, astananyń) jergilikti atqarýshy organdaryna (budan ári - atqarýshy organdar) orman qorynda bolǵan ózgerister týraly málimetter beredi.
5. Atqarýshy organdar ormandardyń memlekettik monıtorıngi boıynsha materıaldar daıyndap, olardy esepti jyldan keıingi jyldyń 1 naýryzyna deıin memlekettik orman ornalastyrý uıymyna beredi.
6. Aýmaqtyń qamtylýyna baılanysty ormandardyń respýblıkalyq, óńirlik jáne jergilikti memlekettik monıtorıngi júzege asyrylady:
1) respýblıkalyq - Qazaqstan Respýblıkasy orman qorynyń búkil aýmaǵyn qamtıdy;
2) óńirlik - fızıka-geografııalyq, ákimshilik, orman-ósimdik, orman-ekonomıkalyq shekaralarmen shektelgen aýmaqtardy qamtıdy;
3) jergilikti - orman qorynyń jekelegen ýchaskelerine jáne ormannyń ekologııalyq júıeleriniń qarapaıym qurylymdaryna deıin óńirlik deńgeıden tómen aýmaqtyq obektilerde júrgiziledi.
7. Ormandardyń monıtorıngi:
1) memlekettik orman qorynyń sanattary boıynsha júıeli qadaǵalaýdy oryndaý (izdestirý, taspaǵa túsirý, tekserý, túgendeý);
2) orman qorynyń jaı-kúıine baǵalaý júrgizý;
3) orman qorynyń jaı-kúıine antropogendik áserlerdi retteý jóninde usynystar ázirleý;
4) belgili bir ýaqyt kezeńine orman qorynyń jaı-kúıine boljam ázirleý jónindegi jumystardy qamtıdy.
8. Orman qorynyń jaı-kúıin baǵalaý júrgiziletin qadaǵalaýdy taldaý, ózgeristerdiń baǵyty men qarqyndylyǵyn zerdeleý arqyly oryndalady.
9. Orman qorynyń jaı-kúıiniń nátıjeleri boıynsha jedel jıyntyq málimetter, baıandamalar, usynystar jáne ǵylymı boljamdar olarǵa ásirese teris sıpattaǵy ózgeristerdiń damý serpinin, baǵyty men qarqyndylyǵyn sıpattaıtyn taqyryptyq kartalar, dıagrammalar, kesteler qosa berilip jasalady.
10. Ormandardyń memlekettik monıtorıngin júrgizý úshin:
1) qashyqtyqtan zondtaý;
2) orman qorynyń memlekettik esebi men memlekettik orman kadastrynyń;
3) orman ornalastyrýdyń;
4) qor derekteriniń (josparlardyń, kartalardyń, shemalardyń, kestelik jáne basqa da materıaldardyń);
5) tabıǵı zertteýler men izdestirýlerdiń materıaldary paıdalanylady.
11. Ormandardyń memlekettik monıtorınginiń nátıjeleri qaǵaz jetkizgishterde de, aqparat jınaýdyń, óńdeýdiń jáne saqtaýdyń elektrondy júıelerin paıdalana otyryp ta esepter, kesteler, kartalar jáne kartografııalyq materıaldar túrinde resimdeledi.
