QR Úkimetiniń qaýlysymen memlekettik kásiporyndardaǵy Baıqaý keńesin qurý jáne onyń múshelerin irikteý erejelerine ózgerister engizildi

***

«Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdasyn, baıqaý keńesiniń quramyna saılanatyn adamdarǵa qoıylatyn talaptardy, sondaı-aq Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 22 maýsymdaǵy № 686 qaýlysyna ózgerister engizý týraly

Qazaqstan Respýblıkasynyń Úkimeti qaýly etedi:
1. «Sharýashylyq júrgizý quqyǵyndaǵy memlekettik kásiporyndarda baıqaý keńesin qurý qaǵıdasyn, baıqaý keńesiniń quramyna saılanatyn adamdarǵa qoıylatyn talaptardy, sondaı-aq Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 22 maýsymdaǵy №686 qaýlysyna (Qazaqstan Respýblıkasynyń PÚAJ-y 2011 j., № 43, 557-qujat) mynadaı ózgerister engizilsin:
kórsetilgen qaýlymen bekitilgen sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń quramyna saılanatyn adamdarǵa qoıylatyn talaptarda:
1-tarmaq mynadaı redaktsııada jazylsyn:
«1. Bilim berý jáne densaýlyq saqtaý salalaryndaǵy sharýashylyq júrgizý quqyǵyndaǵy memlekettik kásiporyndardaǵy baıqaý keńesterine saılanatyn adamdarǵa qoıylatyn talaptar joǵary bilimniń, sondaı-aq mynadaı talaptardyń biriniń:
1) bilim berý nemese densaýlyq saqtaý salalaryndaǵy keminde on jyl jumys tájirıbesiniń;
2) bilim berý nemese densaýlyq saqtaý salalaryndaǵy basshylyq qyzmette (zańdy tulǵa basshysy nemese onyń orynbasarlary) keminde bes jyl tájirıbesiniń;
3) bilim berý nemese densaýlyq saqtaý salalaryndaǵy qoǵamdyq birlestikterdiń múshesi bolýyn qamtıdy.».
2-tarmaqtyń 2) tarmaqshasy mynadaı redaktsııada jazylsyn:
«2) zańdy tulǵany bankrot dep taný týraly sheshim qabyldanǵanǵa deıin bir jyldan astam osy zańdy tulǵanyń basshysy bolǵan;».
2. Osy qaýly alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Premer-Mınıstri K.MÁSІMOV