QR Úkimetiniń qaýlysymen memlekettik áleýmettik tapsyrysty iske asyrý monıtorıngin júzege asyrý qaǵıdalary bekitildi

***

Qazaqstan Respýblıkasy Úkimetiniń qaýlysy № 269

2012 jylǵy 29 aqpan Astana, Úkimet Úıi

Memlekettik áleýmettik tapsyrysty iske asyrý monıtorıngin júzege asyrý qagıdalaryn bekitý týraly

«Memlekettik áleýmettik tapsyrys týraly» Qazaqstan Respýblıkasynyń 2005 jylǵy 12 sáýirdegi Zańynyń 4-babynyń 2) tarmaqshasyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Memlekettik áleýmettik tapsyrysty iske asyrý monıtorıngin júzege asyrý qaǵıdalary bekitilsin.

2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń 2012 jylǵy 29 aqpandaǵy № 269 qaýlysymen bekitilgen

Memlekettik áleýmettik tapsyrysty iske asyrý monıtorıngin júzege asyrý qaǵıdalary

1. Jalpy erejeler

1. Osy Memlekettik áleýmettik tapsyrysty iske asyrý monıtorıngin júzege asyrý qaǵıdalary (budan ári - Qaǵıdalar) «Memlekettik áleýmettik tapsyrys týraly» Qazaqstan Respýblıkasynyń 2005 jylǵy 12 sáýirdegi Zańynyń 4-babynyń 2) tarmaqshasyna sáıkes ázirlendi jáne ýákiletti organnyń memlekettik áleýmettik tapsyrysty iske asyrý jónindegi memlekettik organdardyń qyzmetine monıtorıngti júzege asyrý tártibin aıqyndaıdy.

2. Monıtorıngti ýákiletti organ memlekettik áleýmettik tapsyrys sheńberinde áleýmettik mańyzy bar jobalardy tıimdi iske asyrýdy qamtamasyz etý jóninde ýaqtyly jáne jedel sharalar qabyldaý maqsatynda júzege asyrady.

2. Memlekettik áleýmettik tapsyrysty iske asyrý monıtorıngin júzege asyrý tártibi

3. Ýákiletti organ memlekettik áleýmettik tapsyrysty iske asyrý monıtorıngin júrgizýdi kezeń-kezeńmen júzege asyrady jáne:

1) derekterdi jınaýdy;

2) derekterdi óńdeýdi;

3) derekterdi taldaýdy qamtıdy.

4. Ýákiletti organ memlekettik áleýmettik tapsyrysty iske asyrý monıtorıngin jarty jylda bir ret mynadaı kórsetkishter boıynsha ótkizedi:

1) Qazaqstannyń 2030 jylǵa deıingi damý strategııasynda, Qazaqstan Respýblıkasy Prezıdentiniń Qazaqstan halqyna jyl saıynǵy Joldaýlarynda, basqa da strategııalyq qujattarda aıqyndalǵan memlekettik saıasattyń strategııalyq maqsattary men mindetterine qol jetkizýge memlekettik áleýmettik tapsyrys boıynsha iske asyrylatyn áleýmettik baǵdarlamalar men áleýmettik jobalardyń yqpaly;

2) memlekettik organnyń strategııalyq josparynda qoıylǵan mindetterge qol jetkizýge, memlekettik áleýmettik tapsyrys boıynsha iske asyrylǵan áleýmettik baǵdarlamalar men áleýmettik jobalardyń yqpaly;

3) memlekettik áleýmettik tapsyrys boıynsha iske asyrylǵan baǵdarlamalar, jobalar sheńberinde maqsatty aýdıtorııany qamtýdyń tolyqtyǵy;

4) memlekettik organnyń memlekettik áleýmettik tapsyrysty iske asyrýy nátıjesinde maqsatty aýdıtorııanyń múddesi men qajettiligin qanaǵattandyrý deńgeıi;

5) memlekettik áleýmettik tapsyrys sheńberinde baǵdarlamalardyń, jobalardyń oryndalýyna jumsalǵan bıýdjet qarajatynyń kólemi;

6) memlekettik áleýmettik tapsyrysty iske asyrý boıynsha ónim berýshiniń biliktilik deńgeıi.

5. Memlekettik organdar ýákiletti organǵa jyl saıyn 10 shildege jáne 10 qańtarǵa osy Qaǵıdalardyń 4-tarmaǵynda belgilengen kórsetkishterge qol jetkizý týraly aqparat usynady.

6. Ýákiletti organ memlekettik organdar usynǵan aqparatty jınaqtaıdy, osy Qaǵıdalardyń 4-tarmaǵynda belgilengen kórsetkishterge sáıkestigi mánine taldaıdy jáne qorytylǵan málimetter men memlekettik áleýmettik tapsyrysty iske asyrý tıimdiligin arttyrý boıynsha usynymdardy Qazaqstan Respýblıkasynyń Úkimetine esepti kezeńniń 25 tamyzyna jáne 25 aqpanyna joldaıdy.

7. Memlekettik organdar esepti kezeńge arnalǵan memlekettik áleýmettik tapsyrysty iske asyrý boıynsha jumystardy josparlaý kezinde ýákiletti organnyń osy Qaǵıdalarǵa sáıkes monıtorıng nátıjesinde ázirlengen usynymdaryn basshylyqqa alady.

8. Memlekettik áleýmettik tapsyrysty iske asyrý boıynsha memlekettik organdardaǵy jumystyń jaı-kúıi týraly qorytylǵan aqparatty daıyndaý kezinde ýákiletti organ memlekettik organdar usynǵan nemese memlekettik organdardan túsken aqparatpen qatar úkimettik emes uıymdar usynǵan málimetterdi, sondaı-aq áleýmettik zertteýlerdiń nátıjelerin paıdalanýy múmkin.