QR Úkimetiniń qaýlysymen ǵaryshkerlikke kandıdattardy irikteý qaǵıdalary bekitildi

QazAqparat qujattyń mátinin taratady.

Qazaqstan Respýblıkasy Úkimetiniń qaýlysy № 502

2012  jylǵy 20 sáýir, Astana, Úkimet Úıi

Ǵaryshkerlikke kandıdattardy irikteý jáne ǵaryshkerlikke kandıdat, ǵaryshker mártebesin berý qaǵıdalaryn bekitý týraly

«Ǵarysh qyzmeti týraly» Qazaqstan Respýblıkasynyń 2012 jylǵy 6 qańtardaǵy Zańynyń 8-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Ǵaryshkerlikke kandıdattardy irikteý jáne ǵaryshkerlikke kandıdat, ǵaryshker mártebesin berý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                        Qazaqstan Respýblıkasynyń Premer-Mınıstri K. Másimov.

Jalpy Erejeler baspasóz betterinde jarııalanǵan.