QR Úkimetiniń qaýlysymen Elektr energııasyn energııa óndirýshi bilikti uıymdardan satyp alý qaǵıdalary bekitildi

Qazaqstan Respýblıkasy Úkimetiniń qaýlysy 2012 jyldyń 16 qańtary, №70

Elektr energııasyn energııa óndirýshi bilikti uıymdardan satyp alý qaǵıdalaryn bekitý týraly

«Jańartylatyn energııa kózderin paıdalanýdy qoldaý týraly» Qazaqstan Respýblıkasynyń 2009 jylǵy 4 shildedegi Zańynyń 5-babynyń 8) tarmaqshasyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Elektr energııasyn energııa óndirýshi bilikti uıymdardan satyp alý qaǵıdalary bekitilsin.

2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń 2012 jylǵy 16 qańtardaǵy №70 qaýlysymen bekitilgen

Elektr energııasyn energııa óndirýshi bilikti uıymdardan satyp alý qaǵıdalary

1. Jalpy erejeler

1. Osy Elektr energııasyn energııa óndirýshi bilikti uıymdardan satyp alý qaǵıdalary (budan ári - Qaǵıdalar) «Jańartylatyn energııa kózderin paıdalanýdy qoldaý týraly» Qazaqstan Respýblıkasy Zańynyń (budan ári - Zań) 5-babynyń 8) tarmaqshasyna sáıkes ázirlendi jáne Óńirlik elektr jelileri kompanııalarynyń jáne (nemese) júıelik operatordyń elektr energııasynyń normatıvtik shyǵasylaryn jabý úshin energııa óndirýshi bilikti uıymdardan elektr energııasyn satyp alý tártibin belgileıdi.

2. Óńirlik elektr jelileri kompanııalarynyń jáne júıelik operatordyń elektr energııasynyń normatıvtik shyǵasylaryn óteýge energııa óndirýshi bilikti uıymdardan elektr energııasyn satyp alý tártibi

2. Energııa óndirýshi bilikti uıym elektr energııasyn jetkizý bastalǵanǵa deıin bir aıdan keshiktirmeı elektr energııasyn satyp alý shartyn jasasý úshin óńirlik elektr jelisi kompanııasyna jáne (nemese) Júıelik operatorǵa ótinim beredi.

3. Energııa óndirýshi bilikti uıym elektr energııasyn satyp alý shartyn jasasýǵa arnalǵan ótinimge mynadaı materıaldar men qujattardy usynady:

1) energııa óndirýshi bilikti uıymnyń basshysy qol qoıǵan elektr energııasyn satyp alý shartynyń jobasy;

2) belgilengen tártippen bekitilgen jańartylatyn energııa kózderin paıdalaný obektisin salý jobasynyń tehnıkalyq-ekonomıkalyq negizdemesiniń kóshirmesi;

3) elektr energııasyn óndirýge arnalǵan lıtsenzııanyń kóshirmesi.

4. Elektr energııasyn satyp alý shartyn jasasýǵa arnalǵan ótinimdi Júıelik operator jáne (nemese) Óńirlik elektr jelileri kompanııalary on bes kúntizbelik kún ishinde qaraıdy. Qaraý nátıjeleri boıynsha Júıelik operator jáne (nemese) Óńirlik elektr jelileri kompanııalary energııa óndirýshi bilikti uıymmen elektr energııasyn satyp alý shartyn jasasady ne energııa óndirýshi bilikti uıymǵa elektr energııasyn satyp alý shartyn jasasýdan bas tartatyny týraly habarlaıdy.

5. Elektr energııasyn satyp alý shartyn jasasýdan bas tartý sebepteri:

1) osy Qaǵıdalardyń 3-tarmaǵynda kórsetilgen qujattardy tolyq usynbaý;

2) durys emes aqparatty qamtıtyn qujattardy usyný bolyp tabylady.