QR Úkimetiniń qaýlysymen bala asyrap alý jónindegi agenttikterdi akkredıtteý qaǵıdalary bekitildi

***

Qazaqstan Respýblıkasy Úkimetiniń № 385 qaýlysy

Bala asyrap alý jónindegi agenttikterdi akkredıtteý qaǵıdalaryn bekitý týraly

«Neke (erli-zaıyptylyq) jáne otbasy týraly» Qazaqstan Respýblıkasynyń 2011 jylǵy 26 jeltoqsandaǵy Kodeksiniń 111-babynyń 4-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Bala asyrap alý jónindegi agenttikterdi akkredıtteý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń 2012 jylǵy 30 naýryzdaǵy №385 qaýlysymen bekitilgen

Bala asyrap alý jónindegi agenttikterdi akkredıtteý qaǵıdalary

1. Jalpy erejeler
1. Osy Bala asyrap alý jónindegi agenttiktterdi akkredıtteý qaǵıdalary «Neke (erli-zaıyptylyq) jáne otbasy týraly» Qazaqstan Respýblıkasynyń 2011 jylǵy 26 jeltoqsandaǵy Kodeksiniń (budan ári - Kodeks) 111-babynyń 4-tarmaǵyna sáıkes ázirlengen jáne Qazaqstan Respýblıkasynyń aýmaǵynda bala asyrap alý jónindegi qyzmetti fılıaldar jáne (nemese) ókildikter qurý jolymen júzege asyratyn agenttikterdi akkredıtteý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) akkredıtteý - Qazaqstan Respýblıkasynyń balalardyń quqyqtaryn qorǵaý salasyndaǵy ýákiletti organynyń (budan ári - ýákiletti organ) bala asyrap alý jónindegi agenttikterdiń óz qyzmetin júzege asyrý quqyǵyn resmı tanýy;
2) Bala asyrap alý jónindegi agenttikter - óz memleketiniń aýmaǵynda balalardy asyrap alý jónindegi qyzmetti júzege asyratyn jáne Kodekste belgilengen tártippen Qazaqstan Respýblıkasynyń aýmaǵynda osyndaı qyzmetti júzege asyrý úshin akkredıttelgen kommertsııalyq emes sheteldik uıymdar.
3. Akkredıtteý týraly ótinish bergen sátte óz memleketiniń aýmaǵynda atalǵan salada óz qyzmetin keminde on jyl júzege asyratyn bala asyrap alý jónindegi agenttikter (budan ári - agenttikter) akkredıtteýge jatady.
4. Akkredıtteý fılıal jáne (nemese) ókildik eseptik tirkelgenge deıin júrgiziledi. Agenttik óz fılıalyn jáne (nemese) ókildigin Qazaqstan Respýblıkasynyń ákimshilik-aýmaqtyq bólinisiniń birinde qurady.
5. Fılıaldardy jáne (nemese) ókildikterdi eseptik tirkeý Qazaqstan Respýblıkasynyń qoldanystaǵy zańnamasyna sáıkes júzege asyrylady.
6. Ýákiletti organnyń, jergilikti atqarýshy organdardyń, jetim balalar men ata-analarynyń qamqorlyǵynsyz qalǵan balalarǵa arnalǵan uıymdardyń qyzmetkerleri, olardyń jubaılaryn jáne jaqyn týystaryn qosa alǵanda, fılıaldyń jáne (nemese) ókildiktiń qyzmetkerleri bola almaıdy.

2. Bala asyrap alý jónindegi agenttikterdi akkredıtteý tártibi
7. Agenttikterdi akkredıtteý, onyń ishinde akkredıtteýden bas tartý týraly máseleni ýákiletti organ qaraıdy.
8. Agenttiktiń senim bildirgen adamy balalardy asyrap alý jónindegi jumysty júzege asyrý úshin ýákiletti organǵa mynadaı qujattardy:
1) quryltaı qujattarynyń notarıatta kýálandyrylǵan kóshirmelerin;
2) onyń tıisti salada qyzmetti júzege asyrýǵa ókilettigin rastaıtyn, agenttik ornalasqan memlekettiń quzyretti organy bergen qujattyń kóshirmesin;
3) agenttiktiń ókilettigin rastaıtyn qujatty bergen nemese agenttiktiń Qazaqstan Respýblıkasynyń aýmaǵynda tıisti qyzmetti júzege asyrý múmkindigi týraly qyzmetine baqylaýdy júzege asyratyn memlekettiń quzyretti organynyń usynym hatyn;
4) bala asyrap alýǵa úmitkerlerge agenttik usynatyn, quny kórsetiletin qyzmetterdiń tizbesin;
5) asyrap alynǵan balalardyń turmys jaǵdaılary men tárbıesine baqylaýdy júzege asyrý jáne belgilengen tártippen tıisti esepter jáne aqparat berý jónindegi mindettemeni;
6) bala asyrap alýshylardyń ózderi turatyn memleketke kelgen soń asyrap alynǵan balanyń Qazaqstan Respýblıkasynyń konsýldyq mekemesinde esepke qoıylýyn baqylaýdy júzege asyrý jónindegi mindettemesin;
7) agenttiktiń senim bildirgen adamǵa bergen notarıatta kýálandyrylǵan senimhatty qosa tirkeı otyryp, ótinish beredi.
Osy tarmaqtyń 1), 2), 3), 4) tarmaqshalarynda sanamalanǵan qujattar olar berilgen kúnnen bas­tap alty aı boıy jaramdy bolady.
9. Barlyq usynylǵan qujattar Qazaqstan Respýblıkasynyń zańnamasynda jáne Qazaqstan Res­pýblıkasy qatysýshysy bolyp tabylatyn halyqaralyq sharttarda kózdelgen tártippen zańdas­ty­rylýǵa tıis.
Qazaqstan Respýblıkasynan tys jerde berilgen qujattar tıisti shet memlekettiń memlekettik tilinde usynylady, sondaı-aq qazaq jáne orys tilderine aýdarylýǵa jatady.
10. Senim bildirilgen adamnyń akkredıtteý týraly ótinishin ýákiletti organ osy Qaǵıdalardyń 8-tarmaǵynda kórsetilgen qujattar usynylǵan sátten bastap kúntizbelik otyz kún ishinde qaraıdy.
11. Agenttikti akkredıtteý týraly sheshimdi ýákiletti organ óz quzyreti sheginde akkredıtteý múmkindigi týraly tıisti qorytyndylar beretin Syrtqy ister, Іshki ister, Ádilet mınıstrlikterimen, densaýlyq saqtaý, halyqty áleýmettik qorǵaý salasyndaǵy ýákiletti organdarmen (budan ári - memlekettik organdar) kelisim boıynsha qabyldaıdy.
Ýákiletti organ jeti jumys kúni ishinde osy Qaǵıdalardyń 8-tarmaǵynda kórsetilgen qujattardy ýákiletti organnan qujattar men suraý salý túsken sátten bastap kúntizbelik on bes jumys kúni ishinde agenttiktiń Qazaqstan Respýblıkasynyń aýmaǵynda qyzmetin júzege asyrý múmkindigi týraly qorytyndy usynatyn memlekettik organdarǵa kelisý úshin joldaıdy,
12. Agenttikti akkredıtteý týraly sheshimdi nemese akkredıtteýden bas tartýdy ýákiletti organ ol qabyldanǵan kúnnen bastap on jumys kúni ishinde beredi, bas tartylǵan jaǵdaıda ony negizdeıdi.
13. Agenttikti akkredıtteý týraly sheshim joǵalǵan kezde, ókil tıisti ótinish berilgen kúnnen bastap on jumys kúni ishinde ýákiletti organda onyń telnusqasyn alady.
Bul rette, agenttikti akkredıtteý týraly sheshim túpnusqasynyń kúshi joıyldy dep tanylady.
14. Agenttikter bir jyl merzimge akkredıtteledi. Agenttikti akkredıtteý týraly sheshim ıelikten shyǵarylmaıdy jáne basqa adamdarǵa berýge jatpaıdy.
15. Agenttikti akkredıtteýden, onyń qyzmet merzimin uzartýdan jáne (nemese) onyń qyzmetin merziminen buryn toqtatýdan bas tartý negizderi:
1) usynylǵan qujattardyń Qazaqstan Respýblıkasynyń zańnamasynda belgilengen talaptarǵa sáıkes bolmaýy;
2) óz qyzmeti týraly dáıeksiz málimetter usynýy;
3) agenttiktiń nemese onyń fılıaldarynyń jáne (nemese) ókildikteriniń qyzmeti týraly shet memlekettiń quzyretti organdarynan, sondaı-aq osy Qaǵıdalardyń 11-tarmaǵynda kórsetilgen Qazaqstan Respýblıkasynyń memlekettik organdarynan kelip túsken keleńsiz aqparattyń bolýy;
4) agenttik ornalasqan memlekettegi qolaısyz áleýmettik-ekonomıkalyq, saıası, ekologııalyq ahýal, áskerı is-qımyldardyń júzege asyrylýy;
5) agenttiktiń fılıaly jáne (nemese) ókildigi qyzmetkerleriniń Qazaqstan Respýblıkasynyń zańnamasyn buzýy;
6) agenttiktiń asyrap alynǵan balalardyń turmys jaǵdaılary men tárbıesin baqylaý jáne zańnamada belgilengen tártippen tıisti esepter jáne aqparat berý jónindegi óz mindettemelerin buzýy;
7) agenttiktiń asyrap alynǵan balanyń zańnamada belgilengen tártippen Qazaqstan Respýblıkasynyń konsýldyq mekemesinde esepke qoıylýyn baqylaýdy júzege asyrý jónindegi óz mindettemelerin buzýy;
8) agenttiktiń óz memleketi aýmaǵynda qyzmetiniń toqtatylýy bolyp tabylady.
16. Óz qyzmetin akkredıtteýden bas tartý týraly sheshimdi alǵan agenttik ýákiletti organǵa alty aı ótken soń qaıtadan júginedi.

3. Fılıaldardyń jáne (nemese) ókildikterdiń qyzmetin uzartý,
toqtata turý jáne (nemese) merziminen buryn toqtatý
17. Agenttikti akkredıtteý merzimin uzartý úshin ol akkredıtteý merzimi ótkenge deıin kúntizbelik otyz kúnnen keshiktirmeı ýákiletti organǵa merzimdi uzartý týraly ótinish beredi.
Agenttikti akkredıtteý merzimin uzartý týraly ótinishti ýákiletti organ ótinishti qabyldaǵan kúnnen bastap on jumys kúni ishinde qaraıdy. Agenttikti akkredıtteý merzimin uzartý ne uzartýdan bas tartý týraly dáleldi sheshimdi ýákiletti organ qabyldap, agenttiktiń fılıalyna jáne (nemese) ókildigine sheshim qabyldanǵan kúnnen bastap bes jumys kúni ishinde jiberedi.
18. Eger olar agenttikti alǵashqy akkredıtteýden keıin bir jyl ishinde Qazaqstan Respýblıkasynyń zańnamasynda belgilengen barlyq talaptardy saqtaǵan bolsa, osy Qaǵıdalardyń 14-tarmaǵynda kózdelgen merzim ótken soń akkredıtteý merzimi ózdiginen uzartylady.
19. Ýákiletti organ:
1) Kodekstiń jáne osy Qaǵıdalardyń normalary saqtalmaǵan;
2) ýákiletti organǵa jáne (nemese) ózge de memlekettik organdarǵa fılıaldyń jáne (nemese) ókildiktiń qyzmetine negizdelip shaǵymdar jasalǵan jaǵdaıda, agenttikti akkredıtteý týraly sheshimniń qoldanylýyn toqtata turady.
20. Agenttikti akkredıtteý týraly sheshimniń qoldanylýyn toqtata turýǵa ákep soqqan buzýshylyqtar bir aı ishinde joıylǵan kezde ýákiletti organ ony qaıtadan qoldanysqa engizedi.
Eger agenttik qyzmetin toqtata turýǵa ákep soqqan buzýshylyqtar (mán-jaılar) belgilengen merzimde joıylmasa, ýákiletti organ agenttik qyzmetin toqtatý týraly sheshim qabyldaıdy.
21. Fılıaldyń jáne (nemese) ókildiktiń qyzmetin merziminen buryn toqtatý, onyń qyzmetin uzartý týraly sheshimdi ýákiletti organ negizdelip qabyldanǵan kúnnen bastap on jumys kúni ishinde qabyldaıdy.
22. Fılıaldyń jáne (nemese) ókildiktiń qyzmeti mynadaı jaǵdaılarda:
1) balalardy asyrap alý jónindegi qyzmetin agenttiktiń quryltaı qujattaryna sáıkes júzege asyrmasa;
2) agenttikti akkredıtteý týraly sheshimniń qoldanylýyn toqtata turýǵa ákep soqqan buzýshylyqtardy bir aı ishinde joımasa;
3) fılıal jáne (nemese) ókildik qyzmetin toqtatý týraly ótinish berse;
4) agenttikti akkredıtteý týraly sheshimniń qoldanylý merzimi ótse jáne akkredıtteý merzimin jańa merzimge uzartý múmkin bolmasa toqtatylady.
23. Agenttik fılıalynyń jáne (nemese) ókildiginiń qyzmetin toqtatý máselelerin ýákiletti organ osy Qaǵıdalardyń 22-tarmaǵynda kórsetilgen mán-jaılar anyqtalǵan (týyndaǵan) kúnnen bastap on jumys kúni ishinde qaraıdy.
24. Qyzmetin toqtata turý nemese toqtatý týraly dáleldi sheshim qabyldanǵannan keıin ýákiletti organ fılıaldy jáne (nemese) ókildikti bes jumys kúni ishinde habardar etedi.
25. Fılıaldyń jáne (nemese) ókildiktiń qyzmetin toqtata turý nemese merziminen buryn toqtatý týraly dáleldi sheshim ony buqaralyq aqparat quraldarynda ornalastyrý arqyly tıisti ákimshilik-aýmaqtyq bólinistiń aýmaǵynda taratylady.
26. Agenttik basshysynyń tegi, aty, ákesiniń aty jáne (nemese) zańdy tulǵanyń ataýy, uıymdyq-quqyqtyq nysany ózgergen jaǵdaıda akkredıttelgen agenttikter akkredıtteý týraly sheshimdi qaıta resimdeý týraly ýákiletti organǵa kórsetilgen málimetterdi rastaıtyn qujattardy jáne osy Qaǵıdalardyń 8-tarmaǵynda kórsetilgen qujattardy qosa otyryp ótinish beredi.
27. Ýákiletti organ tıisti jazbasha ótinish túsken kúnnen bastap bes jumys kúni ishinde agenttikterdi akkredıtteý týraly sheshimdi qaıta resimdeıdi.
Bul rette, agenttikterdi akkredıtteý týraly buryn berilgen sheshimniń kúshi joıyldy dep tanylady jáne ýákiletti organǵa akkredıttelgen agenttikterdiń derekter bankisine tıisti aqparat engizile otyryp qaıtarylady.