QR Úkimetiniń qaýlysymen Astyq qabyldaý kásipornyn ýaqytsha basqarýdy júrgizý erejeleri bekitildi

         ***

Astyq qabyldaý kásipornyn ýaqytsha basqarýdy júrgizý erejelerin bekitý týraly

Qazaqstan Respýblıkasy Úkimetiniń qaýlysy

Astyq qabyldaý kásipornyn ýaqytsha basqarýdy júrgizý qaǵıdalaryn bekitý týraly«Astyq týraly» Qazaqstan Respýblıkasynyń 2001 jylǵy 19 qańtardaǵy Zańynyń 5-babynyń 13) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Astyq qabyldaý kásipornyn ýaqytsha basqarýdy júrgizý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                          Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń
2011 jylǵy 25 qazandaǵy №1206 qaýlysymen bekitilgen

Astyq qabyldaý kásipornyn ýaqytsha  basqarýdy júrgizý qaǵıdalary
1. Jalpy erejeler
1. Osy Astyq qabyldaý kásipornyn ýaqytsha basqarýdy júrgizý qaǵıdalary (budan ári - Qaǵıdalar) «Astyq týraly» Qazaqstan Respýb­lı­kasynyń 2001 jylǵy 19 qańtardaǵy Zańynyń 5-babynyń 13) tarmaqshasyna sáıkes ázirlendi jáne astyq qabyldaý kásipornyn ýaqytsha basqarýdy júrgizý tártibin aıqyndaıdy.
2. Osy Qaǵıdalarda mynadaı negizgi uǵym­dar paıdalanylady:
1) astyq qabyldaý kásiporny - menshik quqy­ǵynda astyq saqtaý júzege asyrylatyn astyq qoımasy (elevator, astyq qabyldaý pýnkti) bar zańdy tulǵa;
2) astyq qabyldaý kásipornyn ýaqytsha bas­qarý (budan ári - ýaqytsha basqarý) - astyq qa­byl­daý kásiporyndarynyń astyq qolhattary boıynsha mindettemelerin qamtamasyz etý maq­satyn­da olarǵa qatysty ákimshilik, zańdyq, qarjylyq, uıymdyq-tehnıkalyq jáne basqa da is-sharalar men rásimder keshenin májbúrlep júrgizý;
3) astyq qolhattary boıynsha mindette­me­lerdi oryndaýǵa kepildik berý qory - astyq qabyldaý kásiporyndarynyń ózderi bergen astyq qolhattary boıynsha mindettemelerin oryndamaýynan astyq qolhattaryn ustaýshy­lar­dyń múddelerin qorǵaýdy qamtamasyz etý maqsatynda qurylatyn zańdy tulǵa;
4) astyq qolhaty - astyq ıesinen astyqty saqtaýǵa qabyldaǵanyn rastap, astyq qabyldaý kásiporny beretin qoımalyq qosarly kýálik;
5) astyq qolhatyn ustaýshy - astyq ıesi, astyq qolhaty boıynsha ındossament jasalǵan jaǵdaılarda - ındossat;
6) ýaqytsha basqarý jónindegi komıssııa - ýákiletti organnyń, oblystyń jergilikti atqarý­shy organynyń, astyq qabyldaý kásipor­nynyń, sol astyq qabyldaý kásiporny bergen astyq qolhattaryn ustaýshylardyń, astyq qabyldaý kásiporny qatysýǵa shart jasaǵan astyq qolhattary boıynsha mindettemelerdi oryndaýǵa kepildik berý qorynyń (qorlarynyń) ókilderin qamtıtyn alqaly organ;
7) ýákiletti organ - óz quzyreti sheginde astyq naryǵyn retteý salalasyndaǵy baqylaý jáne (nemese) iske asyrý fýnktsııalaryn júzege asyratyn Qazaqstan Respýblıkasy Aýyl sharýashylyǵy mınıstrliginiń vedomstvosy.
3. Ýaqytsha basqarý jónindegi komıssııa já­ne ýaqytsha ákimshilik ýaqytsha basqarýdy júrgizý kezinde astyq qabyldaý kásipornynda tehnologııalyq operatsııalardyń tolyq tsıklyn ótkizýdi jáne astyq qolhattaryn ustaýshy­lardyń múddelerin saqtaýdy qamtamasyz etedi.
4. Ýaqytsha basqarýdy júrgizý kezinde ýáki­letti organ jáne onyń aýmaqtyq bólimshesi (budan ári - aýmaqtyq bólimshe) osy Qaǵıda­lar­da anyqtalǵan merzimnen aspaıtyn múm­kin­diginshe qysqa merzimde qajetti sharalardy qoldanýdy qamtamasyz etedi.
2. Ýaqytsha basqarýdy engizý úshin negizder
5. Ýákiletti organnyń derbes qabyldaǵan sheshimi boıynsha ne astyq qolhattaryn ustaý­shy­lardyń ótinishi boıynsha astyq qabyldaý kásiporny mynadaı negizdemelerdiń biri:
1) astyq saqtaý jónindegi sharttyq min­det­temelerdiń únemi tıisinshe oryndalmaýy;
2) astyq qolhattarymen qamtamasyz etilgen astyq mólsheriniń astyq qabyldaý kásip­or­nynda saqtaýly astyqtyń naqty mólsherinen asyp ketýi boıynsha ǵana ýaqytsha basqarýǵa berilýi múmkin.
3. Ýaqytsha basqarýdy júrgizý tártibi
6. Aýmaqtyq bólimshe ýaqytsha basqarýdy engizý úshin negiz bolatyn faktiler anyqtalǵan kezden bastap eki jumys kúni ishinde:
1) ýákiletti organǵa astyq qabyldaý kásip­orynyn tekserý aktisin jáne (nemese) astyq qolhattaryn ustaýshylardyń ótinimderin (olar bolǵan kezde) qosyp, ýaqytsha basqarýdy engizý úshin negizderdiń bar ekeni týraly qorytyn­dysy bar ýaqytsha basqarýdy engizý týraly usy­nymdy faksımıldi baılanys arqyly (keıin túpnusqasyn jiberýimen) joldaıdy;
2) astyq qabyldaý kásipornyna, astyq qa­byl­daý kásiporny qatysý shartyn jasasqan as­tyq qolhattary boıynsha mindettemelerdi oryn­daýǵa kepildik berý qoryna (qorlaryna) jáne sol astyq qabyldaý kásiporny bergen as­tyq qolhattaryn ustaýshylardyń bárine usy­nys jiberilgen merzimnen bastap kúntizbelik úsh kún ishinde mundaı usynysty alý faktisin jáne jiberý faktisin rastaıtyn tásilmen ýaqytsha basqarý jónindegi komıssııanyń quramyna kandıdatýralar berý týraly usynys jiberedi.
7. Osy Qaǵıdalardyń 5-tarmaǵynyń 2) tar­maq­shasynda kórsetilgen negizderdiń bar ekeni týraly aýmaqtyq bólimsheniń qorytyndysyn alǵan kezde ýákiletti organ aýmaqtyq bólimshe usynǵan qujattardyń kóshirmesin bir ýaqytta quqyq qorǵaý organdaryna qylmystyq jazalanatyn áreket belgilerin anyqtaýǵa beredi.
8. Osy Qaǵıdalardyń 6-tarmaǵynyń 2) tar­maqshasynda kórsetilgen jeke jáne zańdy tulǵalar kandıdatýra usynbaǵan ne olar usy­nýdan bas tartqan jaǵdaıda aýmaqtyq bólim­she ýaqytsha basqarý jónindegi komıssııany derbes qalyptastyrady.
Ýaqytsha basqarý jónindegi komıssııanyń derbes quramy boıynsha usynysty aýmaqtyq bólimshe ýaqytsha basqarýdy engizý týraly usynym jiberilgen kúnnen bastap tórt jumys kúni ishinde ýákiletti organǵa beredi.
9. Ýákiletti organ ýaqytsha basqarýdy engizý týraly usynymdy alǵan kezden bastap bes jumys kúninen aspaıtyn merzimde ýaqytsha basqarýdy engizý týraly sheshim qabyldaıdy, onda mynalar:
1) astyq qabyldaý kásipornynyń ataýy, or­nalasqan jeri men mekenjaıy;
2) ýaqytsha basqarýdy engizý úshin negizdeme;
3) ýaqytsha basqarýdyń qoldanyla bastaýy jáne merzimi;
4) astyq qolhattary boıynsha mindette­me­lerdi oryndaý maqsatynda astyq qabyldaý kásipornynyń qyzmetine qoıylatyn shekteý­lerdiń tizbesi;
5) bes adam turatyn ýaqytsha basqarý jónin­degi komıssııanyń derbes quramy, olar: astyq qolhattaryn ustaýshylar - 1, astyq qabyldaý kásipornynyń ókilderi - 1, astyq qabyldaý ká­sip­orny qatysý shartyn jasasqan astyq qol­hat­tary boıynsha mindettemelerdi oryndaýǵa kepi­l­dik berý qorynan (qorlarynan) - 1, ýákiletti organnan nemese aýmaqtyq bólimsheden - 1, oblystyń jergilikti atqarýshy organynan - 1;
6) astyq qabyldaý kásipornyn ýaqytsha bas­qarý rejımindegi astyq qabyldaý kásipor­nynyń basshy qyzmetkerlerine óz jumysy jóninde esep daıyndap, bul qujattardy ýa­qyt­sha ákimshilikke tabys etý týraly jáne sol as­tyq qabyldaý kásiporny bergen astyq qol­hattaryn ustaýshylarǵa ýaqytsha basqarýdyń engizilýi jóninde mindetti túrde habarlaý týraly nusqama bolýy tıis.
10. Ýaqytsha basqarýdy engizý týraly ýáki­letti organnyń sheshimine múddeli tulǵalar sot tártibimen shaǵym jasaıdy. Atalǵan sheshimge shaǵym jasaý ýaqytsha basqarýdy engizý týraly sheshimniń qoldanylýyn toqtata turmaıdy.
11. Ýaqytsha basqarý jónindegi komıssııa ýákiletti organ ýaqytsha basqarýdy engizý týraly sheshim qabyldanǵan kúnnen bastap eki jumys kúninen kesh emes merzimde:
1) ýaqytsha basqarý jónindegi komıssııanyń tóraǵasynyń kandıdatýrasyn anyqtaıdy jáne ony bekitýge ýákiletti organǵa joldaıdy;
2) astyq qabyldaý kásipornyna qyzmet etý­shi banktiń mekenjaıyna astyq qabyldaý kásip­ornynyń shottary boıynsha shyǵys operatsııalaryn toqtatý týraly jazbasha habarlama jiberedi.
12. Aýmaqtyq bólimshe ýákiletti organ ýa­qytsha basqarýdy engizý týraly sheshim qabyl­daǵan kúnnen bastap úsh jumys kúni ishinde a­s­tyq qabyldaý kásipornynyń qarajaty esebi­nen respýblıkalyq, oblystyq mańyzy bar keminde eki gazette memlekettik jáne orys tilinde:
1) ýaqytsha basqarýdy engizý týraly sheshimdi;
2) astyq qolhattaryn ustaýshylardyń jınalysynda astyq qolhattaryn ustaýshylardyń qa­ty­sý quqyǵy týraly habarlamany jarııalaıdy.
13. Ýaqytsha basqarý jónindegi komıssııa ýa­qytsha basqarýdy engizý týraly sheshim ja­rııa­lanǵan kezden bastap úsh jumys kúni ishinde ýaqytsha ákimshiliktiń quramyna ókilderdi saılaý úshin astyq qolhattaryn ustaýshylardyń jı­nalysyn ótkizýdi uıymdastyrady jáne ýaqytsha ákimshiliktiń quramyn bekitedi.
14. Astyq qabyldaý kásipornyn ýaqytsha basqarý qoldanylǵan kezeńde:
1) astyq qabyldaý kásipornyn basqarý jó­nin­degi barlyq ókilettik ýaqytsha ákimshilikke kóshedi;
2) quryltaıshylardyń (aktsıonerlerdiń) astyq qabyldaý kásiporynyn basqarý jónindegi quqyqtary toqtatyla turady;
3) astyq qabyldaý kásipornyn basqarý organdary men onyń basshy qyzmetkerleriniń ókilettigi toqtatyla turady;
4) ýaqytsha ákimshilikke aıtpaı jáne onyń jaz­basha kelisiminsiz astyq qabyldaý kásip­ornynyń atynan jáne sonyń esebinen jasalǵan barlyq mámileler jaramsyz dep tanylady.
15. Ýaqytsha ákimshilik:
1) óz quzyreti sheginde astyq qabyldaý kásiporny qyzmetiniń barlyq máseleleri boıynsha derbes sheshimder qabyldaıdy;
2) qajet bolǵan jaǵdaıda ýaqytsha basqarý kezeńine astyq qolhattarynan týyndaıtyn bar­lyq talaptardyń olarda kórsetilgen astyq kó­le­miniń jıyrma paıyzyna deıingi mólsherinde qanaǵattandyrylýyn toqtata turady;
3) astyq qabyldaý kásiporny bergen astyq qolhattary boıynsha onyń mindettemelerin qalpyna keltirýge baǵyttalǵan sharttar jasasyp, qujattarǵa qol qoıady;
4) astyq qabyldaý kásipornynyń atynan jáne onyń múddeleri úshin ókildikti, onyń ishin­de sotta da, júzege asyrady;
5) astyq qabyldaý kásiporny astyq qolhat­taryn oryndaýǵa kepildik berý qoryna qatysqan jaǵdaıda, atalǵan qorǵa sol astyq qabyldaý kásiporny bergen astyq qolhattarynan týyndaı­tyn mindettemeler boıynsha bereshekti birin­shi kezektegi tártippen óteý týraly talap qoıady;
6) eger astyq qabyldaý kásiporny astyq qolhattaryn jáne olardyń bólikterin ustaý­shy­l­ardyń aldynda azamattyq-quqyqtyq jaýap­kershiligin saqtandyrý kelisimin jasaǵan bolsa, saqtandyrý kompanııasyna astyq qolhattaryn ustaýshylardyń saqtandyrý tólemderin tóleýdi júzege asyrý týraly talap qoıady;
7) astyqtyń saqtalýyna baılanysty óndi­ristik máselelerdi baǵalaý úshin táýelsiz sarapshylardy tartady;
8) astyq qabyldaý kásiporynyn ýaqytsha basqarý kezeńine óz quzyreti sheginde buıryqtar shyǵarady.
16. Mórler, mórtabandar, blankter, qundy zat­tar, úı-jaılar men seıfterdiń kiltteri, as­tyq qabyldaý kásipornynyń qujattamasy, quryltaı­shy­lyq, quqyq belgileýshi jáne tirkeý qu­jattary­nyń túpnusqalary erkin nysandaǵy qa­byl­dap alý-berý aktisi boıynsha ýákiletti organ ýa­qytsha basqarýdy engizgen kúninen bastap úsh kún­tiz­belik kún ótken soń ýaqytsha ákimshilikke beriledi.
17. Balansqa engizilgen nemese engizilmegen ýaqytsha basqarý rejımindegi astyq qabyldaý kásipornynyń barlyq múlki ýákiletti organ ýaqytsha basqarýdy engizgen kúninen bastap úsh kúntizbelik kún ótken soń túgendeledi. Balansqa engizilmegen múlik túgendeý vedomosinde kór­setilip, keıin balansqa engizilýi tıis.
18. Ýaqytsha basqarý jónindegi komıssııa:
1) ýaqytsha ákimshilikke astyq qabyldaý ká­sip­orynyn ýaqytsha basqarý kezeńindegi qyz­met­tiń negizgi baǵyttary týraly usynystar beredi;
2) ýaqytsha ákimshilikten onyń qyzmeti jáne astyq qabyldaý kásipornynyń qyzmeti týraly aqparat berýdi talap etedi;
3) ýaqytsha ákimshiliktiń jumys josparyn bekitip, atqarylǵan jumys týraly esebin tyńdaıdy;
4) ýaqytsha basqarýdyń merzimin ony engiz­gen sebepter joıylmaǵan jaǵdaıda bir jyldan aspaıtyn merzimge uzartady;
5) ýaqytsha ákimshiliktiń qorytyndy esebin bekitedi, jáne ýákiletti organǵa ýaqytsha bas­qarýdy aıaqtaý týraly usynys engizedi.
4. Ýaqytsha basqarý jónindegi komıssııanyń jáne ýaqytsha ákimshiliktiń jumys tártibi
19. Ýaqytsha basqarý jónindegi komıssııa on­daǵy jalpy daýystar sanynyń keminde úsh­ten ekisin ıelenetin ókilder qatysqan jaǵdaı­da sheshim qabyldaýǵa quqyǵy bar.
20. Ýaqytsha basqarý jónindegi komıssııa­nyń otyrysy qajet bolǵanda ǵana júrgiziledi.
21. Ýaqytsha ákimshiliktiń negizgi qyzmetiniń baǵyttary týraly ýaqytsha basqarý jónindegi komıssııanyń sheshimderi kópshilik daýyspen qabyldanady, hattamamen resimdeledi, oǵan komıssııanyń tóraǵasy, músheleri qol qoıady.
22. Eger astyq qabyldaý kásiporny astyq qol­hattaryn oryndaý jónindegi kepildik berý qorynyń (qorlardyń) qatysýshy bolmaǵan jaǵdaıda sheshim qabyldaǵan kezde ýaqytsha basqarý jónindegi komıssııadaǵy ókilderdiń da­ýystary paıyzdyq qatynasta bylaısha bólinedi:
1) astyq qolhattaryn ustaýshylar - elý paıyz;
2) astyq qabyldaý kásiporny - jıyrma bes paıyz;
3) ýákiletti organ - jıyrma bes paıyz.
Astyq qabyldaý kásiporny astyq qolhat­taryn oryndaý jónindegi kepildik berý qorynda (qorlarynda) qatysqan jaǵdaıda sheshim qabyl­daǵan kezde ýaqytsha basqarý jónindegi komıssııadaǵy ókilderdiń daýystary paıyzdyq qatynasta bylaısha bólinedi:
1) astyq qolhattaryn ustaýshylar - jıyrma bes paıyz;
2) astyq qabyldaý kásiporny - jıyrma bes paıyz;
3) ýákiletti organ - jıyrma bes paıyz;
4) astyq qolhattaryn oryndaý jónindegi ke­pildik berý qory (qorlary) - jıyrma bes paıyz.
5. Ýaqytsha basqarýdy toqtatý tártibi
23. Astyq qabyldaý kásipornyn ýaqytsha basqarý mynadaı negizdemeler:
1) ýákiletti organnyń sheshimimen belgi­len­gen ýaqytsha basqarý merziminiń aıaqtalýy;
2) ýaqytsha basqarýdyń merziminen buryn aıaqtalýy týraly ýákiletti organnyń sheshim qabyldaýy;
3) sottyń zańdy kúshine engen sheshimi boıynsha toqtatylady.
24. Astyq qabyldaý kásipornyn ýaqytsha basq­arýdy onyń engizilýine ákep soqqan sebep­terdiń joıylýyna baılanysty toqtatý (onyń ishinde merziminen buryn toqtatý) osy astyq qabyldaý kásipornyna qatysty ýákiletti organ nemese ýaqytsha ákimshilik belgilegen barlyq shekteýlerdiń kúshin joıýǵa ákep soǵady.
25. Eger astyq qabyldaý kásipornyn ýaqyt­sha basqarý astyq qolhattary boıynsha min­det­temelerdi oryndaý qabiletin qalpyna keltirýge jetkizbese, ýákiletti organ:
1) astyq qolhattaryn berý arqyly qoı­ma­lyq qyzmetin júzege asyrý quqyǵyna astyq qabyldaý kásipornyn lıtsenzııadan aıyrý týraly oblystyń tıisti jergilikti atqarýshy organyna usynys engizedi;
2) astyq qabyldaý kásipornyn májbúrlep taratý týraly sotqa talap-aryz berýge bastama jasaıdy.