QR Úkimetiniń qaýlysymen Aeronavıgatsııalyq uıymnyń áýe qozǵalysyna qyzmet kórsetý organyn paıdalaný qaǵıdalary bekitildi
Qazaqstan Respýblıkasy Úkimetiniń 2013 jylǵy 25 jeltoqsandaǵy № 1397 qaýlysy
«Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» 2010 jylǵy 15 shildedegi Qazaqstan Respýblıkasynyń Zańy 13-babynyń 15-1) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan: 1) Aeronavıgatsııalyq uıymnyń áýe qozǵalysyna qyzmet kórsetý organyn jáne (nemese) radıotehnıkalyq jabdyqty paıdalaný jáne baılanys qyzmetin sertıfıkattaý jáne sertıfıkat berý qaǵıdalary; 2) Aeronavıgatsııalyq uıymnyń áýe qozǵalysyna qyzmet kórsetý organdaryna jáne (nemese) radıotehnıkalyq jabdyqty paıdalaný jáne baılanys qyzmetterine qoıylatyn sertıfıkattyq talaptar bekitilsin. 2. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S. AHMETOV.
Qujattyń tolyq mátini respýblıkalyq basylymdarda jarııalandy.