QR Úkimetiniń «elektrondyq úkimet» engizýdegi qadamdary
ASTANA. Qazannyń 29-y. QazAqparat /Valentına Elızarova/ - Astanada beısenbi kúni «Elektrondyq úkimet bastamasy» atty IV halyqaralyq konferentsııa bolyp ótti. Onda QR Premer-Mınıstri Kárim Másimov sóz sóıledi.
El Úkimeti osy jobany iske asyrýdy jáne aqparattyq tehnologııalardy damytýdy on jyldan astam ýaqyt ishinde jasaǵanyn eske salamyz.
1998 jyly Ulttyq aqparattyq ınfraqurylymdardy qalyptastyrý men damytý jáne QR aqparattyq qaýipsizdigin qamtamasyz etýdegi negizgi baǵyttarynyń qyzmetteri boıynsha úılestirý jumystary jónindegi komıteti qurylyp, onyń quramyna memlekettik organdardyń aqparattyq tehnologııalar máselelerine jetekshilik etetin ókilderi endi.
2000 jyly QR Kólik jáne kommýnıkatsııa mınıstrligi qurylymynda normatıvtik-quqyqtyq bazanyń qalyptasýynda strategııalyq ról atqarǵan Baılanys jáne aqparattandyrý komıteti quryldy. Atap aıtqanda, salany damytýdaǵy birqatar memlekettik baǵdarlamalar ázirlendi jáne qabyldandy, «Aqparattandyrý týraly», «Elektrondy qujat jáne elektrondy tsıfrly qol qoıý týraly» QR zańnamalary qoldanysqa engizildi, «Baılanys týraly» QR Zańyna ózgerister engizildi.
2003 jyly QR Úkimeti halyqaralyq tájirıbeni basshylyqqa ala otyryp QR Kólik jáne kommýnıkatsııa mınıstrliginiń Baılanys jáne aqparattandyrý komıtetin qaıta qurý týraly sheshim qabyldady. Onyń bazasynda QR Aqparattandyrý jáne baılanys jónindegi agenttigi quryldy.
2008 jyly «Zerde» Ulttyq aqparattyq kommýnıkatsııalyq holdıngi» AQ quryldy. Qazirgi ýaqytta onyń quramyna mynadaı enshiles kásiporyndar: «Ulttyq aqparattyq tehnologııalar» AQ, «Qazsatnet» AQ, «Qazkontent» AQ, «Ulttyq protsessıngtik ortalyq» AQ, «Elektrondyq kommertsııalyq ortalyq» JShS enedi.
