QR Úkimetiniń basshysy men Astana ákimi elordadaǵy qurylys nysandarynda boldy
STANA. Naýryzdyń 17-si. QazAqparat /Gúlmıra Álıakparova/ - Búgin tańerteń QR Premer-Mınıstri Kárim Másimov pen Astana qalasynyń ákimi Imanǵalı Tasmaǵambetov elordada salynyp jatqan ártúrli mańyzdaǵy qurylys nysandaryn aralap, keńes ótkizdi,
dep habarlaıdy QazAqparat.
Kóshpeli keńeske quzyrly mınıstrlikterdiń basshylary da qatysty. Keńeske qatysýshylar atbasyn tiregen birinshi nysan - 7-shi Qysqy Azııa oıyndary ótkiziletin Respýblıkalyq velotrek. Esildiń sol jaǵalaýynda boı kóterip jatqan sport kesheninde qosymsha, basseın, fıtnes jáne gımnastıkalyq zaldar, basketbolǵa arnalǵan alańdar, meıramhanalar, qonaq úıler men taǵy basqalar qarastyrylǵan. Astana ákimi merdiger kompanııa «Mobıteks» JShS-ǵa aldaǵy qala kúnine deıin velotrektiń negizgi qurylysyn, al 2010 jyldyń qazanyna deıin muz alańyn aıaqtaýdy tapsyrdy.
Keńeske qatysýshylar aralaǵan ekinshi nysan - 27 gektar jerde salynyp jatqan Astana Jańa ýnıversıteti. Aǵymdaǵy jyldyń sheldesinde ýnıversıtet alǵashqy stýdentterin qabyldaı bastaıdy dep josparlanýda. Ǵımarattyń qurylysy tolyq aıaqtalmaǵanymen sabaqtar alǵashqy kezekte salynǵan toǵyz ǵımaratta ótetin bolady. I.Tasmaǵambetov atap kórsetkenindeı, nysannyń qurylysy men ınjenerlik júıelerdi tartý boıynsha kedergiler joq.
Al «100 aýrýhana» baǵdarlamasy sheńberinde salynyp jatqan ońtústik-shyǵys shaǵyn aýdanyndaǵy 350 jatyn orynǵa arnalǵan ambýlatorııalyq-emhanalyq keshen, 2010 jyldyń sońynda iske qosylady. QR Densaýlyq saqtaý mınıstri Jaqsylyq Dosqalıev bul nysan boıynsha da esh kedergiler joqtyǵyn jáne ol belgilengen merziminde paıdalanýǵa beriletinin jetkizdi.
Kóshpeli keńes qalalyq ákimdikte jalǵasty.
