QR Úkimetiniń 2015 jylǵa arnalǵan Birinshi kezektegi is-qımyldar jospary maquldandy
ASTANA. QazAqparat - Búgin Úkimet úıinde QR Premer-Mınıstri Kárim Másimov selektorlyq rejımde QR Úkimetiniń kezekti otyrysyn ótkizdi, onyń barysynda QR Úkimetiniń 2015 jylǵa arnalǵan Birinshi kezektegi is-qımyldar jospary qaralyp, maquldandy.
Bul týraly Úkimet basshysynyń resmı saıtynda habarlandy.
«Jospar Memleket basshysynyń ú.j. 5 mamyrynda bergen tapsyrmalaryn esepke ala otyryp ázirlengen. Múddeli memlekettik organdarmen, Ulttyq bankpen jáne ulttyq holdıngtermen birge is-sharalardy jáne oryndalý merzimin naqtylaý turǵysynan Іs-qımyldar josparynyń sáıkes bólimderi jete pysyqtaldy», - dedi qujat jobasyn tanystyrǵan QR ulttyq ekonomıka mınıstri Erbolat Dosaev.
Vedomstvo basshysynyń málimetinshe, Jospar eki bólim boıynsha 214 tarmaqty júzege asyrýdy qamtıdy. Birinshi bólim - bes ınstıtýtsıonaldyq reforma, ekinshisi - qazirgi ekonomıkalyq saıasattyń basymdyqtary.
«Bes ınstıtýtsıonaldyq reforma boıynsha is-sharalar Memleket basshysynyń «Barshaǵa birdeı osy zamanǵy memleket» atty 100 naqty qadamyn júzege asyrý boıynsha tapsyrmasyna tolyq sáıkes jasaldy», - dedi ol.
Jospardyń 1 bóliminiń is-sharalary boıynsha jasalǵan usynystardyń barlyǵy ekonomıkany jańǵyrtý boıynsha Ulttyq komıssııanyń qaraýyna engizilip, Zańdardyń jáne normatıvtik-quqyqtyq aktilerdiń qarastyrylǵan jobalaryn aǵymdaǵy jyldyń maýsym-tamyzynda memlekettik organdar ázirleıdi, dep túıindedi E.Dosaev.
