QR Úkimetinde ÚEU-ǵa memorgandardyń áleýmettik mańyzdy qyzmetter kórsetý boıynsha ókilettigin berý máselelerin talqylandy

ASTANA. QazAqparat - Búgin QR Premer-Mınıstriniń orynbasary Berdibek Saparbaev áleýmettik mańyzdy qyzmetter kórsetý bóligindegi memlekettik organdardyń ókilettigin azamattyq qoǵam ınstıtýttaryna berýge qatysty Memleket basshysynyń tapsyrmalaryn iske asyrý máseleleri boıynsha jıyn ótkizdi. Sonymen qatar, jıynda memlekettik áleýmettik tapsyrysty ornalastyrý jaǵdaıy da talqyǵa salyndy, dep habarlady primeminister.kz.

Otyrysqa ortalyq memorgandar, qoǵamdyq uıymdar, Qazaqstannyń Azamattyq Alıansy jetekshileri qatysty. B. Saparbaevtyń aıtýynsha, búgingi tańda úkimettik emes uıymdar áleýmettik mańyzy bar mindetterdi oryndaýǵa qabiletti. «Elde jıyrma myńnan astam ÚEU bar, olardyń qyzmetine shekteý qoıylmaǵan. ÚEU resýrstaryn memleket, bıznes, sheteldik uıymdar belsendi paıdalanýda», - dedi ol. B.Saparbaev ÚEU-men tapsyrys beretin memorgan aıqyndaǵan salada ǵana yntymaqtasý tájirıbesi bar ekenin aıtty. «Bul ÚEU gýmanıtarlyq áleýetin tolyq paıdalanýǵa múmkindik bermeıdi, ári sektordyń materıaldyq-tehnıkalyq damýyn tejeıdi, sebebi memlekettik áleýmettik tapsyrys boıynsha jumys barysynda tolyqqandy qarjylyq qoldaý ala almaıdy», - dedi ol. Osyǵan baılanysty, vıtse-premer jumys tobyn qurýdy tapsyrdy, olardyń quramynda memorgandar men ÚEU ókilderi bolýy tıis. Ol ÚEU men memorgandardyń ózara is-áreketin zańdy deńgeıde ońtaılandyrýdyń naqty usynystaryn ázirleıtin bolady. Sonymen qatar, B. Saparbaev ortalyq, jergilikti memorgandarǵa áleýmettik salanyń túrli salalarynda ÚEU áleýetti múmkindikterin anyqtaý turǵysynan keshendi taldaý júrgizýdi, sondaı-aq áleýmettik tapsyrys aıasynda bólingen bıýdjettik shyǵystardy qysqartýǵa jol bermeýge nazar aýdarý qajettigin tapsyrdy.