QR Úkimetinde iri elektr stansalaryna arnalǵan ınvestıtsııalyq baǵdarlamalardyń iske asyrylýy talqylandy
ASTANA. QazAqparat - Búgin Úkimet úıinde QR Premer-Mınıstriniń birinshi orynbasary Baqytjan Saǵyntaev Ekibastuz GRES-1, GRES-2 jáne «Almaty elektr stansasy» AQ sııaqty iri elektr stansalarynyń elektr energııasyn óndirýine shekti tarıfter qoldaný aıasynda ınvestıtsııalyq baǵdarlamalardy iske asyrý máseleleri boıynsha jıyn ótkizdi.
Májiliske «Samuryq-Qazyna» UÁQ jáne energııa óndirýshi kásiporyndar qatysty, dep habarlady QR Premer-Mınıstriniń baspasóz qyzmetinen.
Elektr energııasy óndirisine shekti tarıfterdi qoldanǵan 5 jylda elektr energııasyna ınvestıtsııanyń shekti kólemi 5 esege ulǵaıyp, 700 mlrd. teńgeni qurady. Bul qoldanystaǵy 5000 MVt-ny jańǵyrtýǵa jáne 1700 MVt qosymsha elektr qýatyn engizýge múmkindik berdi. 2015 jyldyń aıaǵyna deıin qosymsha 3300 MVt qýatqa qol jetkizilmek.
Jıyn aıasynda Baqytjan Saǵyntaev resýrstardy qalpyna keltirý boıynsha naqty jobalardy iske asyrý jáne ınvestıtsııalyq baǵdarlamalar aıasynda júrgizilgen kásiporyndar qýatyn damytý barysy jaıly elektr stansasy basshylarynyń esebin tyńdap, olardy ýaqtyly jáne sapaly aıaqtaý úshin birqatar tapsyrmalar berdi.
