QR Úkimetinde ekonomıkanyń úzdiksiz jumys jasaýyn qamtamasyz etý máseleleri talqylandy
ASTANA. QazAqparat - QR Premer-Mınıstriniń birinshi orynbasary Baqytjan Saǵyntaev aǵymdaǵy ekonomıkalyq jaǵdaı týraly selektorlyq rejimde májilis ótkizdi, dep habarlady Úkimet basshysynyń baspasóz qyzmetinen.
Májilis jumysyna ortalyq memlekettik jáne jergilikti atqarýshy organdar ókilderi qatysty. B.Saǵyntaev atap ótkendeı, álemdik ekonomıka ósiminiń báseńdegeni baıqalady.
Eýropa men AQSh elderiniń Reseıge qatysty sanktsııalarymen baılanysty Qazaqstannyń aǵymdaǵy ekonomıkalyq jaǵdaıy men RF-nyń jaýap retindegi sanktsııalaryna baılanysty yqtımal táýekelder týraly Ulttyq ekonomıka mınıstri E.Dosaev baıandady. Óńirlerdi munaı ónimderimen, janar-jaǵar maımen qamtamasyz etý jáne turaqtandyrý qorlaryn azyq-túlik resýrstarymen tolyqtyrý máseleleri de qaraldy. Eldiń ekonomıkalyq qaýipsizdigin qamtamasyz etý maqsatynda B. Saǵyntaev el ekonomıkasynyń úzdiksiz jumys isteýin qamtamasyz etý sharalaryn qabyldaý qajettiligin basa aıtty. Selektorlyq májilis nátıjesi boıynsha B.Saǵyntaev tıisti memlekettik organdar men oblys ákimderine birqatar tapsyrmalar berdi.
