QR Úkimetinde Almatyda bolatyn Dúnıejúzilik 28-shi qysqy ýnıversıadany daıyndaý boıynsha otyrys ótti
ASTANA. 27 qyrkúıek. QazAqparat - Búgin Úkimet úıinde QR Premer-Mınıstri Serik Ahmetovtiń tóraǵalyǵymen 2017 jyly Almatyda bolatyn Dúnıejúzilik 28-shi qysqy ýnıversıadany daıyndaý men ótkizý boıynsha Uıymdastyrý komıtetiniń kezekti otyrysy ótti.
Bul týraly primeminister.kz saıtynan habarlady.
Almaty qalasynyń ákimi Ahmetjan Esimov qysqy Ýnıversıadanyń daıyndalǵan logotıpy, boıtumary, jarnamalyq urandaryn tanystyra otyryp, sporttyq nysandar qurylystarynyń barysy týraly habarlady.
Ýnıversıada baǵdarlamasyna engizilgen qysqy sport túrleri boıynsha jasóspirim sportshylardy daıyndaýdyń keshendi jospary týraly QR Bilim jáne ǵylym mınıstriniń orynbasary M.Orynhanov baıandady.
Uıymdastyrý komıteti otyrysynyń qorytyndysy boıynsha Úkimet basshysy múddeli memlekettik organdarǵa birqatar tıisti tapsyrmalar berdi.
