Qazaqstan Respýblıkasy Úkimetiniń qaýlysy №303

 2012 jylǵy 7 naýryz

Balyq resýrstary men basqa da sý janýarlaryn, olardyń bólikteri men derıvattaryn paıdalanýǵa shekteý men tyıym salýdy engizý,  olardy paıdalaný oryndary men merzimderin belgileý týraly

«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıka­synyń 2004 jylǵy 9 shildedegi Zańyna sáıkes Qazaqstan Respýblıkasynyń Úkimeti qaýly etedi:
1. Osy qaýlyǵa 1-qosymshaǵa sáıkes balyq resýrstary men basqa da sý janýarlaryn, olardyń bólikteri men derıvattaryn paıdalanýǵa shekteý men tyıym salý engizilsin.
2. Osy qaýlyǵa 2-qosymshaǵa sáıkes balyq resýrstary men basqa da sý janýarlaryn, olardyń bólikteri men derıvattaryn paıdalaný oryndary men merzimderi belgilensin.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                       Qazaqstan Respýblıkasynyń Premer-Mınıstri K.MÁSІMOV

Qazaqstan Respýblıkasy Úkimetiniń  2012 jylǵy 7 naýryzdaǵy   №303 qaýlysyna   1-qosymsha

Balyq resýrstary men basqa da sý janýarlaryn, olardyń bólikteri men derıvattaryn paıdalanýǵa shekteý men tyıym salý

1. Jalpy erejeler
1. Osy balyq resýrstary men basqa da sý janýarlaryn, olardyń bólikteri men derıvattaryn paıdalanýǵa shekteý men tyıym salý (budan ári - shekteý men tyıym salý) «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 8, 14, 39-baptaryna sáıkes ázirlendi.
2. Balyq resýrstary men basqa da sý janýarlaryn saqtaý jáne ósimin molaıtý maqsatynda shekteý men tyıym salý olardyń mekendeý ortasy arealdarynyń (taralý oblystarynyń) geografııalyq, klımattyq erekshelikteri eskerile otyryp engiziledi.
3. Shekteý men tyıym salý tártibi Qazaqstan Respýblıkasy Úkimetiniń 2005 jylǵy 18 naýryzdaǵy № 246 qaýlysymen bekitilgen Balyq aýlaý erejesinde (budan ári - balyq aýlaý erejesi) aıqyndalatyn balyq resýrstary men basqa da sý janýarlaryn ǵylymı-zertteý (memlekettik tapsyrys sheńberinde), baqylaý, melıoratıvtik, eksperımentaldyq aýlaýdy, ósimin molaıtý maqsatynda aýlaýdy júzege asyrýǵa, sondaı-aq taýarly balyqty jasandy ósirý úshin paıdalanylatyn sý aıdyndaryna qoldanylmaıdy.
4. Uıashyqtalatyn aýlaý quraldarynda aýlanǵan balyqtyń 8%-nan jáne súzgish aýlaý quraldarynda 5%-nan artyq kólemde ózge balyq túrleriniń jáne kásipshilik mólsherine sáıkes emes balyqtyń aýlanýyna tyıym salý engizilsin.
5. Myna:
1) sıntetıkalyq, neılon nemese basqa da plastıkalyq, polıamıd monojipterden jáne monotalshyqtan jasalǵan aýlardy, sondaı-aq barlyq ataýly elektrlik aýlaý júıeleri men quraldaryn qoldana otyryp;
2) úshkir aýlaý quraldaryn (shanyshqy, naıza, qapqan), ózdiginen aýlaý quraldaryn (ilmek, tartpa, artpa), jarylǵysh jáne ýlandyrǵysh zattardy, sondaı-aq oqpen atylatyn qarýlardy qoldana otyryp;
3) qoldanýy balyq aýlaý erejesinde kózdelmegen jáne balyq aýlaýdyń kásipshilik jáne kásipshilik emes quraldarynyń túrleri men tásilderin qoldanýǵa ruqsat etilgen tizbege engizilmegen balyq aýlaý quraldarymen, ádistermen jáne tásildermen;
4) balyq aýlaý erejesi men janýarlar dúnıesin paıdalaný ruqsatynda kózdelgen tor kózi kishi aýlaý quraldaryn qoldana otyryp;
5) osy shekteý men tyıym salýmen belgilengen qysqy kezeńde balyqtardyń qystaıtyn shuńqyrlarynda, ýyldyryq shashý kezeńinde ýyldyryq shashatyn jerlerde jáne ózge de ýchaskelerde, merzimderde jáne oryndarda;
6) osy shekteý men tyıym salýmen belgilengen balyq resýrstary men basqa da sý janýarlarynyń kóbeıý kezeńinde olardyń shoǵyrlaný oryndary men óristeý joldarynda;
7) úrkitý, syldyrlaý arqyly shoshytý, qýalaý tásilderimen;
8) balyq aýlaý erejesinde belgilengen kásipshilik mólsherden az balyq resýrstary men basqa da sý janýarlaryn aýlaýǵa tyıym salynsyn.
2. Aral-Syrdarııa balyq sharýashylyǵy basseıni  boıynsha shekteý men tyıym salý
6. Balyq resýrstary men basqa da sý janýarlarynyń ýyldyryq shashý jáne kóbeıýi kezeńinde mynadaı oryndar men merzimderde:
1) Shyǵys tastalym syzyǵynan (Qurkeles ózeniniń saǵasy) Ózbekstan Respýblıkasynyń memlekettik shekarasyna deıingi Syrdarııa ózeninde jáne Shardara sý qoımasynyń (Shyǵys tastalym, Qurkeles, Otyrly ózenderiniń saǵasy, Koreı shyǵanaǵy) negizgi ýyldyryq shashý ýchaskelerinde 1 sáýirden 30 maýsymdy qosa alǵandaǵy aralyqta;
2) Shardara sý qoımasynyń sý aılaǵynda 10 sáýirden 20 mamyrdy qosa alǵandaǵy aralyqta;
3) aýlardy qoldana otyryp Krepost múıisi (oń jaq jaǵalaý) men Áskerı bólim (sol jaq jaǵalaý) shyǵanaǵynan Shardara sý elektrstantsııasynyń (budan ári - SES) bógetine deıingi Shardara sý qoımasynyń bóget aldy ýchaskesinde 1 jeltoqsannan 29 aqpandy qosa alǵandaǵy aralyqta;
4) Ońtústik Qazaqstan oblysy shegindegi sý aıdyndarda jáne Shardara sý qoımasynan Qyzylorda oblysynyń ákimshilik shekarasyna deıingi Syrdarııa ózeninde 15 sáýirden 31 mamyrdy qosa alǵandaǵy aralyqta;
5) saǵadan Ońtústik Qazaqstan oblysynyń ákimshilik shekarasyna deıingi Syrdarııa ózeninde 1 sáýir men 30 mamyrdy qosa alǵandaǵy aralyqta;
6) Kishi Aral teńiziniń sý aılaǵynda 1 mamyrdan 10 maýsymdy qosa alǵandaǵy aralyqta;
7) Qyzylorda oblysynyń shegindegi sý aıdyndarynda 20 sáýirden 10 maýsymdy qosa alǵandaǵy aralyqta balyq aýlaýǵa tyıym salý engizilsin.
7. Artemııanyń kóbeıýi kezeńinde Ózbekstan Respýblıkasynyń memlekettik shekarasyna deıin Qazaqstan Respýblıkasynyń aýmaǵy sheginde Tuşybas, Chernysheva shyǵanaqtaryn qosa alǵanda, Úlken Aral teńizinde 1 sáýirden 31 shildeni qosa alǵandaǵy aralyqta artemııa jumyrtqalaryn jınaýǵa jáne daıyndaýǵa tyıym salý engizilsin.
8. Tynyshtyq aımaǵyn qurý maqsatynda mynadaı oryndarda:
1) Arys jáne Keles ózenderinde;
2) Syrdarııa ózeni Kishi Aral teńizine quıatyn jerinen Kókaral bólip turý bógetine deıingi ońtústik baǵytta, Kókaral túbegine deıingi batys baǵytta, soltústik jáne soltústik-shyǵys baǵyttarda 5 kılometr (budan ári - km), Syrdarııa ózeniniń aǵysymen joǵary baǵytta 5 km ýchaskede jyl boıy balyq aýlaýǵa tyıym salý engizilsin.
Eskertpe: balyq ólimin boldyrmaý maqsatynda Kókaral bógetiniń tómengi befinde, Kishi Aral teńizin Úlken Aral teńizimen baılanystyratyn jylǵada, sondaı-aq Úlken Aral teńizine sýdy tastaý kezinde 2 km bóget aldy aımaqta balyq aýlaýǵa jol beriledi.

3. Balqash-Alakól balyq sharýashylyǵy basseıni boıynsha shekteý men tyıym salý
9. Balyq resýrstary men basqa da sý janýarlarynyń ýyldyryq shashý jáne kóbeıýi kezeńinde mynadaı oryndar men merzimderde:
1) Balqash kólinde 15 sáýirden 1 maýsymdy qosa alǵandaǵy aralyqta;
2) Balqash kóline quıatyn saǵalardan 5 km aǵyspen joǵary baǵytta, sondaı-aq Balqash kóliniń ishki baǵyttarynda jáne eki jaqtaǵy 5 km keńistiktegi saǵalardy, jylǵalardy jáne jaıylymdardy qosa alǵanda, Qaratal, Aqsý, Lepsi, Aıagóz ózenderinde 15 sáýirden 1 maýsymdy qosa alǵandaǵy aralyqta;
3) Qapshaǵaı sý qoımasynda jáne oǵan kelip quıatyn barlyq ózenderinde jáne sý aǵyndarynda 5 sáýirden 20 mamyrdy qosa alǵandaǵy aralyqta;
4) Alakól, Sasyqkól, Qoshqarkól kólderinde jáne olardyń quıar saǵalary men shyǵanaqtarynda, Úrjar, Besqopa, Yrǵaıty, Terekti, Tentek, Qatynsý, Emel, Uıaly, Qarakól, Jińishkesý, Shynjyly ózenderinde 10 sáýirden 1 maýsymdy qosa alǵandaǵy aralyqta;
5) Qapshaǵaı SES bógetinen 6-shy balyq qabyldaý pýnktine (Araltóbe aýyly) deıingi Іle ózeninde kásipshilik emes balyq aýlaý quraldaryn qoldana otyryp 5 sáýirden 5 maýsymdy qosa alǵandaǵy aralyqta;
6) Іle ózeniniń barlyq atyraýynda kásipshilik emes balyq aýlaý quraldaryn qoldana otyryp 15 sáýirden 1 maýsymdy qosa alǵandaǵy aralyqta;
7) Sharyn ózeniniń saǵasynan Qytaı Halyq Respýblıkasynyń (budan ári - QHR) memlekettik shekarasyna deıingi Іle ózeninde kásipshilik emes balyq aýlaý quraldaryn qoldana otyryp, 25 naýryzdan 5 shildeni qosa alǵandaǵy aralyqta balyq aýlaýǵa tyıym salý engizilsin.
10. Tynyshtyq aımaǵyn qurý maqsatynda mynadaı oryndarda:
1) kásipshilik balyq aýlaý quraldaryn qoldana otyryp Qapshaǵaı SES bógetinen 6-shy balyq qabyldaý pýnktine (Araltóbe kenti) deıingi Іle ózeninde jáne Іle ózeniniń barlyq atyraýynda;
2) kásipshilik balyq aýlaý quraldaryn qoldana otyryp Sharyn ózeniniń saǵasynan QHR memlekettik shekarasyna deıin Іle ózeninde;
3) Qapshaǵaı sý qoımasynyń sol jaq jaǵalaýyndaǵy Útik shoqysyn (ańshylyq sharýashylyǵy kordony) jáne oń jaq jaǵalaýdaǵy burynǵy 96 km (qoryqshylar úıi) jáne qosatyn tik syzyqtan Іle ózeniniń aǵysymen joǵarǵy baǵytta Sharyn ózeniniń saǵasyna deıin;
4) Jalańashkól kólinde jyl boıy balyq aýlaýǵa tyıym salý engizilsin.
11. Balqash kólinde jylymdardy qoldana otyryp qanattary tolyq ashylǵannan keıin eki qanatyn bir ýaqytta motorly tartý (traldaý tásili) arqyly balyq aýlaýǵa tyıym salý engizilsin.