QR Úkimeti jyl qorytyndysynda ІJÓ-niń josparlanǵan 4,3 paıyz ósimin qamtamasyz etpek
ASTANA. QazAqparat - QR Úkimeti jyl qorytyndysynda ishki jalpy ónimniń josparlanǵan 4,3 paıyz ósimin qamtamasyz etpek. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte BAQ ókilderiniń saýalyna jaýap bergen QR Ulttyq ekonomıka vıtse-mınıstri Mádına Ábilqasymova málim etti.
«Ótken aıda biz áleýmettik-ekonomıkalyq damý boljamyn naqtyladyq. Shyndyǵynda, boljam jyl qorytyndysy boıynsha 5 paıyzdan 4,3 paıyzǵa tómendetildi. Ol 10 aıdyń qorytyndysy boıynsha ekonomıka salalarynda oryn alǵan shynaıy dınamıkany kórsetedi», - dedi vıtse-mınıstr.
Onyń atap ótýinshe, josparlanǵan kórsetkishter oryndalatyn bolady.
«Tolyqtaı alǵanda, biz jyl qorytyndysy boıynsha bul boljamnyń oryndalatyndyǵyn zor senimmen kútemiz», - dedi M.Ábilqasymova.
Aıta keteıik, buǵan deıin habarlanymyzdaı, Ulttyq ekonomıka mınıstrliginiń aldyn ala baǵalaýyna sáıkes elimizdiń ishki jalpy ónim ósimi 4,2 paıyzdy qurady.
