QR Úkimeti janyndaǵy zań jobalary qyzmeti máseleleri jónindegi vedomstvoaralyq komıssııanyń kezekti otyrysy ótti

Alqaly jıyn barysynda áriptesteriniń nazaryna «Medıtsınalyq aıyqtyrǵyshtar qyzmeti máseleri boıynsha Qazaqstan Respýblıkasynyń keıbir zańnamalyq aktilerine tolyqtyrýlar men ózgertýler týraly» Zańy jobasynyń tujyrymdasyn usynǵan QR Іshki ister vıtse-mınıstri Amantaı Kúreńbekovtiń aıtýynsha, qazirgi tańda elimizde 689 tósek-orynǵa arnalǵan 32 medıtsınalyq aıyqtyrǵysh bar. Olarda jyl saıyn shamamen 113 myń adam ustalady. Al el bıýdjetinen atalǵan oryndardy ustaǵa 654 mıllıon teńgege jýyq qarjy jumsalady.

Sonymen qatar, medıtsınalyq aıyqtyrǵyshtar mas kúıdegi azamattarǵa medıtsınalyq kómek te kórsetetindigin atap ótken ol «bul qyzmet elimizdiń qoǵamdyq tártibi men qaýipsizdigin qamtamasyz etý boıynsha ishki ister organdarynyń qyzmetine sáıkes kelmeıdi», dedi.

Memleket basshysynyń tamyzdyń 17-indegi «Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý jónindegi sharalar týraly» Jarlyǵyn júzege asyrý maqsatynda ázirlengen zań jobasy mas kúıdegi azamattarǵa medıtsınalyq kómek kórsetý jáne medıtsınalyq aıyqtyrǵyshtarǵa qoǵamdyq tártipti buzýshylardy jetkizý boıynsha memlekettik organdar arasyndaǵy fýktsııany shekteýdi maqsat tutady.