QR Úkimeti ıAndekspen birlesken jumysqa ýaǵdalasty
ASTANA. QazAqparat - Qazaqstanda bilim salasyn damytý baǵytynda «ıAndeks» kompanııasynyń basshysy Arkadıı Volojben ýaǵdalastyqqa qol jetkizildi.
Bul týraly Úkimet otyrysynda Premer-Mınıstr Baqytjan Saǵyntaev málim etti, dep habarlaıdy QazAqparat.
«Keshe bizde «ıAndeks» basshysy Volojben kezdesý ótip, mektep jasynan bastap kadrlardy daıarlaý boıynsha birlese jumys isteýge ýaǵdalastyq. Bul saladaǵy Qazaqstandaǵy statıstıkaǵa súıensek, 7-shi synypqa deıin bizdiń oqýshylar halyqaralyq olımpıadalarda jeńimpaz atanady, keıinnen joǵary synyptarda bul kórsetketkish eki esege tómendeıdi, al ýnıversıtetterde múldem qatyspaı qoıady. ıAǵnı, jasy joǵarylaǵan saıyn mamandardy daıarlaý nasharlaı bastaıdy. Sondyqtan da otandyq bilim berýdiń básekege qabilettiligin joǵarylatý úshin jumystardy jalǵastyrý qajet. Sol sebepti barlyq qajetti ózgeristerdi engizińizder, qoldaý jasalady», - dedi Úkimet basshysy.
Óz kezeginde Bilim jáne ǵylym mınıstri Erlan Saǵadıev bilim men ǵylymnyń baǵdarlamasy jaıynda baıandap berdi.
«Bilim jáne ǵylymnyń tórt jylǵa arnalǵan memlekettik baǵdarlamasynyń ekinshi jylyn oryndap jatyrmyz. 2016 jyly baǵdarlamany júzege asyrý nátıjesi boıynsha Prezıdent Ákimshiligi bizge jaqsy baǵa berdi. Eki jyldyń ishinde qujatty iske asyrý úshin «Bilim týraly» Zańǵa jáne «Ǵylymdy kommertsııalandyrý týraly» Zańǵa ózgerister engizildi. 2017 jyly baǵdarlamada 8 ındıkator, 51 kórsetkish, 168 is-shara qarastyrylǵan. Jalpy, barlyq ındıkatorlar men kórsetkishter sátti oryndalýda», - dedi mınıstr.
Onyń sózine qaraǵanda, 2017 jyly baǵdarlamany iske asyrýǵa 420 mlrd teńge bólindi, sonyń ishinde respýblıkalyq bıýdjetten 250 mlrd teńge, jergilikti bıýjetten 170 mlrd teńge bólindi. Bıylǵy 9 aıǵa bólingen 280 mlrd teńgeniń 99,8 paıyzy ıgerildi.
