QR Úkimeti «V» jáne «S» vırýsty gepatıtimen aýyratyndardy emdeýdi qarjylandyrý týraly sheshim qabyldady - Densaýlyq saqtaý mınıstrligi
ASTANA. 6 jeltoqsan. QazAqparat - «V» jáne «S» vırýsty gepatıti boıynsha epıdemıologııalyq jaǵdaıdy, osy aýrýmen aýyratyndardyń ómir sapasyn jaqsartý maqsatynda, sonymen qatar, olardy emdeýdiń qymbatshylyǵyn eskere otyryp, Qazaqstan Respýblıkasynyń Úkimeti «V» jáne «S» vırýsty gepatıtimen aýyratyndardy emdeýdi qarjylandyrý týraly sheshim qabyldady, dep habarlaıdy QR Densaýlyq saqtaý mınıstrligi.
2010 jyldan beri «V» jáne «S» vırýsty gepatıtin juqtyrǵan balalardy, sonymen qatar juqtyrý qaýipi bar medıtsınalyq qyzmetshiler men stýdentterdi emdeý júzege asyrylyp keledi. 2011 jyldan bastap emdelýshilerdiń jeke ózgeshelikterin eskere otyra halyqaralyq emdeý standarttaryna sáıkes qazirgi zamanǵy preparattarmen eresek adamdardy emdeý jumystary bastalady.
Emdeýmen qamtylý juqtyrý qaýipi bar adamdar arasynda «V» jáne «S» vırýsty gepatıtin juqtyrýdy anyqtaýǵa arnalǵan dıagnostıkalyq tekserýlerge baılanysty arttyryla beredi. Máselen, 2011-2015 jyldarǵa arnalǵan «Salamatty Qazaqstan» Memlekettik baǵdarlamasy aıasynda 2011 jyldan bastap «V» jáne «S» vırýsty gepatıtin balalardan tekserý úshin qarjy qarastyrylǵan, al 2012 jyldan bastap tekserýler eresekterge qatysty júrgiziledi, dep habarlaıdy QR Densaýlyq saqtaý mınıstrligi.
