QR Úkimeti strategııalyq mańyzy bar jer qoınaýy ýchaskeleriniń, ken oryndarynyń tizbesin bekitti
ASTANA. 17 sáýir. QazAqparat - QR Úkimetiniń basshysy Kárim Másimov 2011 jyldyń 4 qazanynda «Strategııalyq mańyzy bar jer qoınaýy ýchaskeleriniń, ken oryndarynyń tizbesin bekitý týraly» №1137 Qaýlyǵa qol qoıdy.
Bul týraly resmı BAQ-tar habarlady.
Qazaqstan Respýblıkasy Úkimetiniń qaýlysy
2011 jylǵy 4 qazan №1137
Strategııalyq mańyzy bar jer qoınaýy ýchaskeleriniń,
ken oryndarynyń tizbesin bekitý týraly
«Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańy 16-babynyń 7) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan strategııalyq mańyzy bar jer qoınaýy ýchaskeleriniń, ken oryndarynyń tizbesi bekitilsin.
2. «Strategııalyq mańyzy bar jer qoınaýy ýchaskeleriniń (ken oryndarynyń) tizbesin bekitý týraly» Qazaqstan Respýblıkasy Úkimetiniń 2009 jylǵy 13 tamyzdaǵy № 1213 qaýlysynyń (Qazaqstan Respýblıkasynyń PÚAJ-y, 2009 j., № 36, 344-qujat) kúshi joıyldy dep tanylsyn.
3. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
Strategııalyq mańyzy bar jer qoınaýy ýchaskeleriniń, ken oryndarynyń tizbesi respýblıkalyq BAQ-tarda jarııalandy.
