QR Úkimeti Reseıden janar-jaǵarmaı ımportyn shekteıtin qaýlyny qabyldady

ASTANA. 23 sáýir. QazAqparat - Qazaqstan Úkimeti Reseıden munaı ónimderiniń ımportyn shekteý týraly qaýlyny qabyldady.

Búgin bıylǵy jyldyń birinshi toqsanyndaǵy áleýmettik-ekonomıkalyq damýdyń qorytyndylaryna arnalǵan Úkimet otyrysynan keıin QR Munaı jáne gaz mınıstri Saýat Myńbaev osylaı málim etti.

«Reseı Federatsııasynan ımportty shekteý boıynsha qaýly qabyldandy. Shekteý bola ma nemese bolmaı ma ol naryqtaǵy jaǵdaıǵa baılanysty. Alaıda qazir ımportty retteýdiń múmkindikteri bar»,-dedi mınıstr.