QR Úkimeti otandyq avto óndirýshilerdi memlekettik qoldaý tetigin engizýi múmkin
ASTANA. 22 qarasha. QazAqparat - Elimizdiń Úkimeti otandyq avto óndirýshilerdi memlekettik qoldaý tetigin engizýi múmkin. Bul týraly búgin elordada ótip jatqan «Sarapshy-200-Qazaqstan» iri bıznestiń 5-shi ekonomıkalyq forýmynda QR Premer-Mınıstri Serik Ahmetov aıtty.
Qazaqstanda otandyq avto óndirýshilerdi memlekettik qoldaý tetigin engizý jaıy qarastyrylýy múmkindigin joqqa shyǵarmaǵan Úkimet basshysynyń sózine qaraǵanda, bul másele Reseımen avtokólikterdi kádege jaratyp qurastyrý boıynsha kelisimge kelmegen jaǵdaıda qolǵa alynbaq. «Biz 2015 jylǵa qaraı eksporttyq-ımporttyq baj salyǵyna oraı ózara qarym-qatynastyń barlyq túıinderin tarqatqansha bul máseleniń sheshimin qalaı bolǵanda da tabamyz»,- dedi S.Ahmetov. Jalpy, Premer-Mınıstrdiń sózine qaraǵanda, qazirgi tańda Qazaqstan men Reseı arasynda 3 myń taýar túrin ákimshileý boıynsha máseleler týyndap otyr.
