QR Úkimeti óndiristik baqylaý bólimsheleriniń veterınarııalyq dárigerlerin attestattaý qaǵıdalaryn bekitti
Qazaqstan Respýblıkasy Úkimetiniń qaýlysy
2012 jylǵy 17 mamyr, Astana, Úkimet Úıi, №634
Óndiristik baqylaý bólimsheleriniń veterınarııalyq dárigerlerin attestattaý qaǵıdalaryn bekitý týraly
«Veterınarııa týraly» Qazaqstan Respýblıkasynyń 2002 jylǵy 10 shildedegi Zańynyń 5-babynyń 18-5) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Óndiristik baqylaý bólimsheleriniń veterınarııalyq dárigerlerin attestattaý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
Qazaqstan Respýblıkasy Úkimetiniń 2012 jylǵy
17 mamyrdaǵy №634 qaýlysymen bekitilgen
Óndiristik baqylaý bólimsheleriniń veterınarııalyq
dárigerlerin attestattaý qaǵıdalary
1. Jalpy erejeler
1. Osy Óndiristik baqylaý bólimsheleriniń veterınarııalyq dárigerlerin attestattaý qaǵıdalary (budan ári - Qaǵıdalar) «Veterınarııa týraly» Qazaqstan Respýblıkasynyń 2002 jylǵy 10 shildedegi Zańynyń 5-babynyń 18-5) tarmaqshasyna sáıkes ázirlengen, veterınarııalyq anyqtama berý úshin janýarlardyń, janýarlardan alynatyn ónimder men shıkizattyń veterınarııalyq normatıvterge sáıkestigin aıqyndaý jónindegi óndiristik baqylaý bólimsheleriniń veterınarııalyq dárigerlerin attestattaý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) óndiristik baqylaý bólimsheleriniń veterınarııalyq dárigerlerin attestattaý - óndiristik baqylaý bólimsheleri veterınarııalyq dárigerleriniń Qazaqstan Respýblıkasynyń Úkimeti belgilegen talaptarǵa sáıkestigin aıqyndaýǵa ýákiletti organ aýyq-aýyq júrgizetin rásim;
2) testileý - testilik tapsyrmalardy paıdalana otyryp júrgiziletin attestattalýshynyń teorııalyq bilimin jáne praktıkalyq daǵdylaryn tekserý nysany;
3) veterınarııa salasyndaǵy ýákiletti memlekettik organnyń vedomstvosy (budan ári - ýákiletti organnyń vedomstvosy) - memlekettik veterınarııalyq-sanıtarııalyq baqylaýdy jáne qadaǵalaýdy júzege asyratyn veterınarııa salasyndaǵy ýákiletti memlekettik organnyń komıteti;
4) ýákiletti organ vedomstvosynyń aýmaqtyq bólimsheleri (budan ári - aýmaqtyq bólimsheler) - vedomstvonyń tıisti ákimshilik-aýmaqtyq birlikterde ornalasqan aýmaqtyq bólimsheleri (oblys, aýdan, oblystyq nemese respýblıkalyq mańyzy bar qala, astana);
5) óndiristik baqylaý bólimsheleri - janýarlardy soıýdy, janýarlardan alynatyn ónimder men shıkizatty qaıta óńdeýdi jáne ótkizýdi júzege asyratyn óndiris obektileriniń ákimshiligi qurǵan janýarlardyń, janýarlardan alynatyn ónimder men shıkizattyń veterınarııalyq normatıvterge sáıkestigin aıqyndaý jónindegi bólimsheler.
3. Óndiristik baqylaý bólimsheleriniń veterınarııalyq dárigerlerin (budan ári - veterınarııalyq dárigerler) attestattaýdy tıisti aýmaqtyq bólimsheler qurǵan attestattaý komıssııalary (budan ári - Komıssııa) júrgizedi.
Veterınarııalyq dárigerler osy qyzmetpen aınalysýdyń árbir úsh jyly ótkennen keıin mindetti attestattaýdan ótedi.
Attestattaýdan ótken veterınarııalyq dárigerler janýarlar soıýdy, janýarlardan alynatyn ónimder men shıkizatty qaıta óńdeýdi jáne ótkizýdi júzege asyratyn basqa óndiris obektisiniń óndiristik baqylaý bólimshesine mamandyǵy boıynsha aýysqan kezde onyń attestattaý qorytyndysy úsh jyl ishinde jaramdy bolady.
Attestattaýdan ótken veterınarııalyq dárigerler jumystan bosatylǵan nemese janýarlardy soıýdy, janýarlardan alynatyn ónimder men shıkizatty qaıta óńdeýdi jáne ótkizýdi júzege asyratyn basqa óndiris obektisiniń óndiristik baqylaý bólimshesine aýysqan kezde obektiniń basshysy tıisti aýmaqtyq bólimsheni úsh jumys kúni ishinde habardar etedi.
2. Attestattaýdy ótkizý tártibi
4. Attestattaýdy daıyndaýdy jáne ótkizýdi aýmaqtyq bólimsheler uıymdastyrady jáne ol mynadaı is-sharalardy qamtıdy:
1) attestattaýdy ótkizý úshin qajetti qujattardy daıyndaý;
2) attestattaýdy ótkizý kestelerin ázirleý jáne bekitý;
3) Komıssııanyń quramyn aıqyndaý;
4) attestattaýdy ótkizý maqsattary men tártibi týraly túsindirý jumysyn uıymdastyrý;
5) attestattaýdy ótkizý bastalǵanǵa deıin kúntizbelik otyz kúnnen keshiktirmeı veterınarııalyq dárigerlerge ony ótkizý merzimi týraly jazbasha habarlaý;
6) attestattaýǵa jatatyn tulǵalardyń qujattaryn qabyldaýdy jáne taldaýdy júzege asyrý;
7) veterınarııalyq dárigerlerdi testileý;
8) Komıssııanyń sheshimin shyǵarý;
9) attestattalǵan veterınarııalyq dárigerdi janýarlardyń, janýarlardan alynatyn ónimder men shıkizattyń veterınarııalyq normatıvterge sáıkestigin aıqyndaıtyn jáne veterınarııalyq anyqtama beretin veterınarııalyq dárigerler tizilimine (budan ári - tizilim) engizý.
5. Aýmaqtyq bólimsheniń basshysy Komıssııanyń tóraǵasy bolyp tabylady jáne attestattaýǵa jatatyn tulǵalardyń tizimin, testileý suraqtaryn bekitedi, attestattaýdy ótkizý merzimin jáne Komıssııanyń quramyn, sondaı-aq onyń jumys kestesin belgileıdi.
Komıssııa keminde bes adam bolatyn múshelerden jáne komıssııa hatshysynan quralady. Hatshy Komıssııa múshesi bolyp tabylmaıdy. Komıssııanyń músheleri joǵary veterınarııalyq bilimi, keminde bes jyl praktıkalyq jumys ótili bar tulǵalar bolyp tabylady.
Komıssııa quramyna aýmaqtyq bólimshelerdiń mamandary, kelisim boıynsha jergilikti atqarýshy organ (budan ári - JAO) bólimshesiniń ókilderi kiredi.
Komıssııa hatshysy attestattaý bastalǵanǵa deıin kúntizbelik otyz kún buryn veterınarııalyq dárigerlerge habarlama jiberedi.
6. Veterınarııalyq dárigerler habarlama alǵan sátten bastap kúntizbelik on bes kúnnen keshiktirmeı Komıssııaǵa mynadaı qujattardy usynady:
1) jeke kýáliktiń, bilimi týraly dıplomnyń kóshirmesi;
2) sońǵy 3 jylda biliktilikti arttyrý kýrstarynan ótkeni týraly sertıfıkattyń kóshirmesi (bolǵan jaǵdaıda);
3) ǵylymı dárejesiniń, ataǵynyń bar bolýy týraly kýálikterdiń kóshirmeleri (bolǵan jaǵdaıda).
7. Testileý qaǵaz tasyǵyshta test suraqtaryn qoldana otyryp júrgiziledi (1 suraq 1 ballǵa teńestiriledi, barlyǵy 100 suraq).
8. Test tapsyrmalaryn oryndaýǵa beriletin jalpy ýaqyt 90 mınýt quraıdy.
9. Komıssııa testileý nátıjelerin esepteýdi durys jaýaptar kodtaryn paıdalana otyryp ótkizedi.
10. Suraqtardyń jalpy sanyna qatysty durys jaýaptardan 70%-dan kemin alǵan kezde testileý nátıjesi teris dep sanalady.
11. Esepteý qorytyndylaryn shyǵarý aıaqtalǵannan keıin veterınarııalyq dárigerlerge osy Qaǵıdalarǵa 1-qosymshaǵa sáıkes nysan boıynsha testileýdiń nátıjeleri beriledi.
12. Komıssııa testileý nátıjeleri boıynsha mynadaı sheshimderdiń birin qabyldaıdy:
1) attestattaldy;
2) attestattalǵan joq.
13. Komıssııanyń sheshimi otyrys hattamasymen resimdeledi, oǵan otyrysqa qatysqan Komıssııanyń tóraǵasy, músheleri jáne hatshysy qol qoıady.
14. Veterınarııalyq dáriger Komıssııanyń sheshimimen testileý ótken kúni tanysady.
15. Komıssııanyń bekitilgen sheshimderi osy Qaǵıdalarǵa 2-qosymshaǵa sáıkes nysan boıynsha attestattaý paraqtaryna engiziledi, olar attestattaý aıaqtalǵannan keıin veterınarııalyq dárigerlerge beriledi.
Attestattaý paraǵy, testileý nátıjeleri, Komıssııa otyrysynyń hattamasy úsh jyl ishinde attestattaýdy ótkizgen organda saqtalady.
16. Attestattalǵan veterınarııalyq dárigerler osy Qaǵıdalarǵa 3-qosymshaǵa sáıkes nysan boıynsha tizilimge engiziledi.
17. Bastapqy testileý nátıjeleri boıynsha attestattalmaǵan veterınarııalyq dárigerler osy Qaǵıdalarda aıqyndalǵan tártippen Komıssııanyń sheshimimen tanysqan kúninen bastap kelesi testileýge bir aıdan keıin, qaıta testileýge - alty aıdan keıin jiberiledi.
18. Aýmaqtyq bólimshe úsh jumys kúni ishinde ózgeristerdiń qalyptastyrylý jáne engizilý shamasyna qaraı tizilimdi joǵary turǵan aýmaqtyq bólimshege jáne JAO bólimshelerine usynady.
3. Komıssııanyń sheshimderine shaǵymdaný
19. Komıssııanyń is-áreketi men sheshimderine Qazaqstan Respýblıkasynyń zańnamasynda belgilengen tártippen shaǵymdanýǵa bolady.
Qosymshalary respýblıkalyq BAQ-da jarııalanǵan.
