QR Úkimeti men Halyqaralyq Qyzyl Krest komıteti Qazaqstan aýmaǵynda uıymnyń qyzmetin zańdastyratyn kelisimge otyrdy
ASTANA. 26 aqpan. QazAqparat - QR Úkimeti jáne Halyqaralyq Qyzyl Krest komıteti (HQKK) Qazaqstan aýmaǵynda HQKK-niń qyzmetin zańdastyratyn kelisim jasasty.
Atalmysh kelisimge keshe QR Syrtqy ister mınıstriniń orynbasary Qaırat Omarov jáne HQKK-niń Ortalyq Azııadaǵy aımaqtyq delegatsııanyń basshysy Iv Arnoldı qol qoıdy.
«Biz aımaqta asa joǵary yqpaly bar Qazaqstanmen aradaǵy kópjyldyq qarym-qatynastyń resmı túrde zańdastyrylýyna qýanyshtymyz»,-dedi Iv Arnoldı. «Bul kelisim bizdiń qazaq bıligimen aramyzdaǵy áriptestigimizdi, sonyń ishinde aımaqtaǵy gýmanıtarlyq máseleler boıynsha suhbatymyzdy ary qaraı damytýǵa septigin tıgizedi»,-dep atap kórsetti ol.
Kelisim HQKK-niń mandatyna saı qyzmetti jáne aǵymdyq jumystardy atqarý barysyndaǵy qaýipsizdigin qamtamasyz etip, oǵan birqatar artyqshylyqtar beredi.
HQKK Ortalyq Azııada 1992 jyldan beri jumys isteıdi. Qazirgi ýaqytta uıym Tájikstan, Túrikmenstan, Ózbekstan jáne Qyrǵyzstan elderinde qyzmet jasap júr.
