QR Úkimeti men BUU arasyndaǵy Tehnıkalyq yntymaqtastyqtyń nysanaly qory týraly kelisimdi ratıfıkatsııalaý týraly» zań jobasy qaraldy

Kelisimge 2014 jylǵy 4 tamyzda qol qoıyldy. Kelisimniń negizgi maqsaty 2014 jylǵy 6-8 qazanda Astanada «Birikken Ulttar Uıymynyń «elektrondyq úkimetiniń» 2014 jahandyq forýmyn» ótkizý bolyp tabylady. Osy forým aqparattyq-kommýnıkatsııalyq tehnologııalar salasynda mańyzdy is-sharalardyń biri bolyp tabylady. Forýmdy ótkizýdiń qorytyndylary boıynsha Qazaqstannyń «elektrondyq úkimetti» damytý boıynsha tájirıbesin damyǵan elder arasynda da, damýshy elder arasynda da keńinen taratý josparlanyp otyr.

Kelisim sheńberinde Qazaqstan Respýblıkasy 500 myń AQSh dollary mólsherinde qarajat engizetin bolady. BUU tarapynan mynadaı is-sharalar qamtamasyz etiletin bolady: Jobanyń úılestirýshisin jaldaý, «Smart Government-ke» belgili bir nazar aýdara otyryp, «elektrondyq úkimet» salasyndaǵy sarapshylardy aıqyndaý, forýmdy ótkizý, forým boıynsha jarııalanymdardy daıyndaý.

Kelisim aıasynda artyqshylyqtar men ımmýnıtetter, onyń ishinde BUU ókilderine - Forýmǵa qatysýshylarǵa erkin kelý jáne ketý quqyǵyn berý kózdeledi.

Tutastaı alǵanda osy Kelisimdi iske asyrý Qazaqstan Respýblıkasyna «elektrondyq úkimet» pen memlekettik basqarý salasynda áleýetti arttyrýǵa, halyqaralyq keńistikte «elektrondyq úkimetti» damytýdaǵy óz tájirıbesin keńinen taratýǵa, múddeli taraptar arasynda yntymaqtastyqty jáne «aqylmen basqarý men aqyldy úkimetti» ilgeriletý jónindegi óńiraralyq tetikterdi damytýdy kúsheıtýge múmkindik beredi.

Zań jobasy Palatanyń qaraýyna jiberildi.