QR Úkimeti men Azııa damý banki áriptestiktiń jańa strategııasyn ázirlemek

ASTANA. QazAqparat - QR Premer-Mınıstri Álıhan Smaıylov Azııa damý bankiniń atqarýshy dırektory Serdjıo Lýgarezı bastaǵan Dırektorlar keńesiniń múshelerimen kezdesti. Bul týraly QazAqparat Úkimettiń saıtyna silteme jasap habarlaıdy.

Taraptar ADB-nyń Qazaqstan úshin 2023-2027 jyldarǵa arnalǵan eldik áriptestiginiń jańa strategııasyn ázirleýdi, QR Úkimetiniń jańa ekonomıkalyq saıasatynyń qaǵıdattaryn, sondaı-aq óńirlik kún tártibiniń ózekti máselelerin talqylady.

Premer-Mınıstr Qazaqstan saıası damý jáne ekonomıkalyq transformatsııanyń jańa kezeńine kirgenin, bul ekonomıkany ártaraptandyrý, memlekettik basqarýdy reformalaý jáne adamı kapıtaldy keshendi damytý jónindegi sharalardy iske asyrýdy kózdeıtinin atap ótti.

Sonymen qatar Úkimet respýblıkanyń ınvestıtsııalyq tartymdylyǵyn arttyrý, salyq-bıýdjet saıasatyn jetildirý jáne ekonomıkany dekarbonızatsııalaý jónindegi jumysty jalǵastyrýda.

«Eldiń negizgi basymdyqtaryn iske asyrý qazirgi qıyndyqtardy eńserýge jáne turaqty ári sapaly ekonomıkalyq ósý traektorııasyna shyǵýǵa múmkindik beredi», — dedi Álıhan Smaıylov.

Bul rette Úkimet basshysy Qazaqstan men ADB arasyndaǵy yntymaqtastyqtyń negizgi qujaty respýblıkanyń damý maqsattaryna qol jetkizýge yqpal etetin jańa Eldik áriptestik strategııasy bolatynyn atap ótti.

Óz kezeginde Serdjıo Lýgarezı Banktiń barlyq múddeli baǵyttar boıynsha QR Úkimetimen belsendi jumysty jalǵastyrýǵa daıyn ekenin rastady.

«Aradaǵy jemisti áriptestik barlyq josparlanǵan mindetterdi tıimdi iske asyrýǵa múmkindik beretinine senimdimin», — dedi Serdjıo Lýgarezı.

Foto: primeminister.kz