QR Úkimeti Memlekettik qordan tólenetin áleýmettik tólemderdiń mólsherin arttyrý týraly qaýlyǵa qol qoıdy

Qazaqstan Respýblıkasy Úkimetiniń Qaýlysy №1715

2012 jylǵy 28 jeltoqsan, Astana, Úkimet Úıi

2013 jylǵy 1 qańtardan bastap Memlekettik áleýmettik saqtandyrý qorynan tólenetin áleýmettik tólemderdiń mólsherin arttyrý týraly

«Mindetti áleýmettik saqtandyrý týraly» 2003 jylǵy 25 sáýirdegi Qazaqstan Respýblıkasy Zańynyń 24-babyna sáıkes Qazaqstan Respýblıkasynyń Úkimeti qaýly etedi:
1. 2013 jylǵy 1 qańtarǵa áleýmettik tólemderdi alýshylar bolyp tabylatyn adamdarǵa eńbek qabiletin joǵaltý jáne asyraýshysynan aırylý jaǵdaılaryna Memlekettik áleýmettik saqtandyrý qorynan taǵaıyndalǵan áleýmettik tólemderdiń mólsheri 2013 jylǵy 1 qańtardan bastap on alty paıyzǵa arttyrylsyn.
2. Osy qaýly 2013 jylǵy 1 qańtardan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri S.AHMETOV.