QR Úkimeti Memlekettik basqarýdy tsıfrlyq transformatsııalaý qaǵıdalaryn bekitti
Qaýlyǵa Premer-Mınıstr Álıhan Smaıylov qol qoıdy.
Memlekettik basqarýdy tsıfrlyq transformatsııalaýdyń fýnktsıonaldyq qurylymyna mynalar kiredi:
- QR Prezıdentiniń janyndaǵy Qazaqstan Respýblıkasynda tsıfrlandyrýdy iske asyrý jónindegi komıssııa;
- tsıfrlyq úkimet ofısi;
- ýákiletti organ;
- memlekettik organdar.
Komıssııa QR Prezıdenti janyndaǵy konsýltatıvtik-keńesshi organ bolyp tabylady. Onyń negizgi mindetteri – Qazaqstan Respýblıkasynda tsıfrlandyrý jáne ınnovatsııalyq tehnologııalar máselelerine qatysty usynystar ázirleý, monıtorıng júrgizý jáne olardy iske asyrý.
Tsıfrlyq úkimet ofısi óz fýnktsııalaryn QR Premer-Mınıstriniń ókimimen bekitilgen erejege, sondaı-aq osy Qaǵıdalarǵa sáıkes júzege asyrady.
Ýákiletti organ ofıstiń jumys organy bolyp tabylady jáne memlekettik basqarýdy tsıfrlyq transformatsııalaýdy salaaralyq úılestirýdi júzege asyrady.
Ýákiletti organnyń janynda:
- memlekettik basqarýdy tsıfrlyq transformatsııalaýdy uıymdastyrýshylyq jáne ádisnamalyq súıemeldeý fýnktsııalary júktelgen tsıfrlyq úkimetti qoldaý ortalyǵy;
- «elektrondyq úkimettiń» arhıtektýrasyn damytýdy ádisnamalyq qamtamasyz etý jónindegi fýnktsııalar, derekterdi taldaý, tsıfrlyq memleketke kóshýdi eskere otyryp, «elektrondyq úkimet» arhıtektýrasyn qurý júktelgen «elektrondyq úkimettiń» servıstik ıntegratory;
- «elektrondyq úkimettiń» ózine bekitilgen aqparattyqkommýnıkatsııalyq ınfraqurylymynyń qyzmetin qamtamasyz etý, onyń ishinde derekterdi taldaý jáne paıdalaný úshin «Smart Data Ukimet» aqparattyqtaldamalyq júıesiniń qyzmetin qamtamasyz etý, sondaı-aq aqparattandyrý obektileri arasynda aqparattyq ózara is-qımylyn uıymdastyrý jáne qamtamasyz etý júktelgen «elektrondyq úkimettiń» aqparattyqkommýnıkatsııalyq ınfraqurylymynyń operatory jumys isteıdi.
Memlekettik organdar:
- memlekettik organdar basshylarynyń tsıfrlandyrý máselelerine jetekshilik etetin orynbasarlary qatarynan tsıfrlyq transformatsııalaýdyń jol kartalaryn ázirleýge jáne iske asyrýǵa jaýapty tulǵalardy aıqyndaıdy;
- birinshi basshynyń buıryǵymen memlekettik organ janynan tsıfrlyq transformatsııalaý ofısin qurady, sondaı-aq onyń quramy men erejesin bekitedi;
- osy Qaǵıdalarǵa sáıkes tsıfrlyq transformatsııalaýdyń jol kartalaryn ázirleýdi, kelisýdi, bekitýdi jáne iske asyrýdy júzege asyrady;
- tsıfrlyq transformatsııalaýdyń jol kartalarynyń jobalaryn ýákiletti organǵa kelisýge jiberedi;
- mindetterdi bólý týraly buıryqtarǵa sáıkes jetekshilik etetin saladaǵy derekterdi basqarýǵa strategııalyq baǵyttarǵa jáne derekterdi basqarý saıasatyn aıqyndaýǵa jaýapty bas ofıtserdiń fýnktsııalaryn memlekettik organdar basshylarynyń orynbasarlaryna júkteıdi;
- reınjınırıngti júzege asyrady;
- memlekettik organdaǵy qurylymdyq bólimsheler, vedomstvolyq baǵynysty uıymdar arasynda fýnktsııalar men ókilettikterdi bóledi;
- bıznes-protsesterdiń elektrondyq tizilimin qalyptastyrýdy jáne júrgizýdi júzege asyrady;
- aqparattyq-kommýnıkatsııalyq tehnologııalar, aqparattyq qaýipsizdik, derekterdi basqarý, «elektrondyq úkimet» arhıtektýrasyn damytý, «elektrondyq úkimettiń» aqparattandyrý obektilerin qurý, damytý, paıdalaný, satyp alý, sondaı-aq aqparattyq-kommýnıkatsııalyq kórsetiletin qyzmetter salasyndaǵy uıymdastyrýshylyq, tehnıkalyq, quqyqtyq talaptardyń saqtalýyn qamtamasyz etedi.