QR Úkimeti ınvestıtsııalyq klımatty jaqsartýdyń Keshendi jospary jobasyn maquldady
ASTANA. QazAqparat - QR Úkimeti ınvestıtsııalyq klımatty jaqsartýdyń Keshendi jospary jobasyn maquldady. Bul týraly búgin Ortalyq kommýnıkatsııalar qyzmetinde ótken brıfıngte QR Ekonomıka jáne bıýdjettik josparlaý vıtse-mınıstri Marat Qusaıynov málim etti.
«Sheteldik jáne otandyq tikeleı ınvestıtsııalardy tartý boıynsha is-sharalardyń Keshendi josparynyń jáne ınvestıtsııalyq ahýaldy jetildirý jónindegi zańnyń jobalary qaralyp, maquldandy. Keshendi jospar ınvestıtsııalyq zańnamany jetildirýge, sheteldik jumys kúshin tartýdy, vızalyq rejımdi jeńildetýge jáne taǵy basqa da birqatar sharalarǵa baǵyttalǵan. Zań jobasy ınvestorlarmen jasalatyn kelisim-sharttardyń tetikterin qaıta qaraýdy, ınvestıtsııalyq artyqshylyqtardy keńeıtýdi, sondaı-aq ınvestıtsııalyq ahýaldy jaqsartýdy kózdeıdi», - dedi ol.
Onyń sózine qaraǵanda, keshen jobasy Salyq kodeksine, Investıtsııalar týraly, Tabıǵı monopolııalar týraly, Halyqty jumyspen qamtý jáne Kóshi-qon týraly zańdarǵa ózgerister engizýge alyp keledi.
«Bul qujatty qabyldaý ınvestıtsııalyq klımatty jaqsartyp, el ekonomıkasynyń basymdyqty salalaryna tikeleı jáne shetel ınvestıtsııalaryn tartýǵa baǵyttalǵan quraldardy engizýdi kózdeıdi. Búgin zań jobasy parlament Májilisine engiziledi», - dedi ol.
