QR Úkimeti Derbes sáıkestendirý nómir-kodtaryn berý qaǵıdalaryn bekitti

Qazaqstan Respýblıkasy Úkimetiniń qaýlysy
2011 jylǵy 30 jeltoqsan, № 1709

Derbes sáıkestendirý nómir-kodtaryn berý qaǵıdalaryn bekitý týraly

«Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń 2011 jylǵy 20 shildedegi Zańynyń 6-babynyń 7) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Derbes sáıkestendirý nómir-kodtaryn berý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri K. Másimov.

Qazaqstan Respýblıkasy Úkimetiniń 2011 jylǵy 30 jeltoqsan
№ 1709 qaýlysymen bekitilgen

Derbes sáıkestendirý nómir-kodtaryn berý qaǵıdalary

1.Jalpy erejeler
1. Osy Munaı ónimderine derbes sáıkestendirý nómir-kodtaryn berý qaǵıdalary (budan ári - qaǵıdalar) "Munaı ónimderiniń jekelengen túrlerin óndirýdi jáne olardyńǵ aınalymyn memlekettik retteý týraly" Qazaqstan Respýblıkasynyń 2011 jylǵy 20 shildedegi Zańynyń 6-babynyń 7) tarmaqshasyna sáıkes ázirlengen jánemunaı ónimin óndirýshilerge, munaı ónimderin ımporttaýdy júzege asyratyn munaı ónimderin kóterme jetkizýshilerge (budan ári - ótinish berýshiler) jáne Qazaqstan Respýblıkasynda óndiriletin nemese Qazaqstan Respýblıkasynyń aýmaǵyna ákelinetin árbir munaı ónimderiniń ataýyna beriletin derbes sáıkestendirý nómir-kodtaryn (budan ári - DSN-kody) berý tártibin aıqyndaıdy.
2.DSN-kodtaryn berý tártibi
2. Munaı ónimderiniń aınalymy salasyndaǵy ýákiletti organnyń tıisti aýmaqtyq bólimshelerinde (budan ári - aýmaqtyq bólimshe) tirkeý esebinde turǵan ótinish berýshiler qyzmet túrine baılanysty osy Qaǵıdalarǵa 1-qosymsha sáıkes aýmaqtyq bólimshelerge DSN-kodtaryn berýge arnalǵan ótinimderdi munaı ónimderin satýdy júzege asyrý josparlanyp otyrǵan aıdyń 1-kúnine deıin kúntizbelik 30 (otyz) kúnnen keshiktirmeı beredi. Bul rette, ótinish berýshi memlekettik tizilimde tirkelgen benzınniń, avıatsııalyq jáne dızel otynynyń, mazýttyń tıisti túrine sáıkestik sertıfıkattarynyń kóshirmesin, al munaı ónimderin óndirýshiler - munaı-gaz óńdeý óndiristerin paıdalanýǵa, gaz, munaı jáne munaı ónimderin saqtaý obektilerin, magıstarldyq gaz qubyrlaryn, munaı qubyrlaryn, munaı ónimderi qubyrlaryn paıdalanýǵa lıtsenzııanyń kóshirmesin usynýy tıis.
3. Aýmaqtyq bólimsheler DSN-kodyn berýge arnalǵan jıyntyq ótinimdi osy Qaǵıdalarǵa 2-qosymshaǵa sáıkes munaı ónimderin óndirýshilerge, munaı óniderin ımporttaýdy júzege asyratyn munaı ónimderin kóterme jetkizýshilerge, Qazaqstan Respýblıkasynda óndiriletin nemese Qazaqstan Respýblıkasynyń aýmaǵyna ákelinetin munaı óniminiń árbir ataýy boıynsha munaı ónimderi aınalymy salasyndaǵy ýákiletti organǵa (budan ári - ýákiletti organ) ótinish berýshiniń munaı ónimderin satýdy júzege asyrý josparlanyp otyrǵan aıdyń 1-kúnine deıin kúntizbelik 25 (jıyrma bes) kúnnen keshiktirmeı jiberedi.
4. Ýákiletti organ munaı ónimderin óndirýshilerge, munaı ónimderin ımporttaýdy júzege asyratyn munaı ónimderin kóterme jetkizishýlerge, sondaı-aq Qazaqstan Respýblıkasynyń aýmaǵynda óndiriletin jáne Qazaqstan Respýblıkasynyń aýmaǵyna ımporttalatyn benzınniń, avıatsııalyq jáne dızel otyny men mazýttyń árbir markasyna olardy jıyntyq tizilimge engýzi arqyly DSN-kodtaryn berýdi qamtamasyz etedi.
5. DSN-kodtaryn qurý kezinde osy Qaǵıdalarǵa 3-qosymshaǵa sáıkes fasettik kodtaý júıesiniń qurylymy paıdalanylady.
6. Ýákiletti organ berilgen DSN-kodtary týraly aýmaqtyq bólimshelerdi ótinish berýshiniń munaı ónimderin satýdy júzege asyrý josparlanyp otyrǵan aıdyń 1-kúnine deıin kúntizbelik 15 (on bes) kúnnen keshiktirmeı aqparattyq júıe arqyly habardar etedi.
7. Aýmaqtyq bólimsheler munaı ónimderin óndirýshilerdi, munaı ónimderin ımportttaýdy júzege asyratyn munaı ónimderin kóterme jetkizýshilerdi DSN-kodtar berilgeni týraly ótinish berýshi munaı ónimderin satýdy júzege asyrý josparlanyp otyrǵan aıdyń 1-kúnine deıin kúntizbelik 5 (bes) kúnnen keshiktirmeı habardar etedi.
8. Osy Qaǵıdalardyń 2-tarmaǵynda atalǵan qujattar usynylmaǵan jaǵdaıda, sondaı-aq munaı ónimderiniń túrine berilgen DSN-kody bolǵan kezde ýákiletti organ DSN-kodyn berýden bas tartady.
9. Ýákiletti organ DSN-kodyn berýden bas tartý týraly aýmaqtyq bólimsheler men munaı ónimderin ótkizýdi josparlanǵan ótinish berýshini jıyntyq ótinim jiberilgen kúnnen bastap kúntizbelik 5 (bes) kún ishinde jazbasha habardar etedi.

Resmı qujattyń mátini respýblıkalyq BAQ-da jarııalandy.