QR Úkimeti bıznesti qorǵaý úshin jańa zańnamalyq bastamalar usynady

Taıaý ýaqytta Qazaqstanda quqyq qorǵaý organdary tarapynan bızneske qysymdy tómendetý boıynsha túbegeıli sharalar qabyldanýy qajet.

«Bizder taıaý aralyqta Parlamentke bekitilýge beriletin tórt ymyrasyz jańa zańnamalyq qadam ázirledik», - dep jazdy QR Premer-Mınıstri Kárim Másimov óz blogynda.

«Birinshiden, eger olar keltirgen shyǵyndardy óz erikterimen óteıtin bolsa, onda onyń aýyrlyǵyna qaramastan ekonomıkalyq qylmys jasaǵan tulǵaǵa bostandyǵynan aıyrý jazasy alynyp tastalady», - delingen habarlamada.

Ekinshiden, ekonomıkalyq qylmys úshin qylmystyq jaýapkershilik júkteletin zalaldar kólemi ulǵaıady. Máselen, uıymǵa nemese memleketke zalal keltirilgende qazirgi ýaqyttaǵdaı zalal somasy 1 myń AEK-ti (1 512 000 teńge) emes, 10 myń AEK-ti (15 120 000 myń) quraǵanda qylmystyq is qozǵalady.

«Bul - ekonomıka salasynda qozǵalatyn qylmystyq istiń sanyn aıtarlyqtaı qysqartýda mańyzdy qadam jáne sonyń saldarynan bızneske ákimshilik qysymdar tómendeıdi», - dep atap ótilgen habarlamada.

Úshinshiden, shyǵyn kóleminiń artýy ekonomıkalyq qylmysqa qarsy turý boıynsha memleket múmkindigin álsiretpeıdi. Óıtkeni aıyppul kólemin ulǵaıtý joldary arqyly osyndaı quqyqbuzýshylyq jasaǵany úshin ákimshilik jaýapkershilik aıtarlyqtaı kúsheıtiledi.

Tórtinshiden, jekelegen ekonomıkalyq qylmystar jasaǵany úshin bas bostandyǵynan aıyrýǵa balama retinde aıyppul túrindegi jaza qarastyrylǵan, al ol qarastyrylǵan sanktsııalarda onyń kólemi ulǵaıtylady.

Tolyqtaı alǵanda bul zańnamalyq usynystar bınes ahýaldy jaqsartýǵa jáne kásipkerlik qyzmetke kúsh-qýat qurylymdarynyń aralasýyn shekteýge baǵyttalǵan.

Bızneske qysymdy tómendetý jónindegi tapsyrmany Memleket basshysy Nursultan Nazarbaev 17 sáýirde Qazaqstan Respýblıkasy Úkimetiniń múshelerimen, ákimdermen, ortalyq memlekettik organdardyń, «Nur Otan» HDP jáne «Samuryq-Qazyna» UÁQ jetekshilerimen ótken keńeıtilgen májiliste berdi.