QR Úkimeti arbıtrajdyq jáne aralyq sot qyzmetterin jetildirýdi kózdeıtin zań jobasyn maquldady

Atalǵan qujatty búgin Úkimet otyrysynda tanystyrǵan QR Ádilet mınıstri Berik Imashevtiń aıtýynsha, elimizde 2004 jyly «Aralyq sottar týraly» jáne «Halyqaralyq kommertsııalyq arbıtraj týraly» zańdar qabyldanǵan.

«Olar 8 jyl boıy qoldanysta bolǵanyna qaramastan atalǵan ınstıtýttardyń barynsha keńinen qoldanýǵa aıtarlyqtaı serpin bere alǵan joq. Osyǵan oraı búgingi qarastyrylyp otyrǵan zań jobasy arbıtrajdyq jáne aralyq sottar quziretiniń quqyqtyq aýqymyn keńeıtýge baǵyttalǵan», - dedi ol.

Onyń atap ótýinshe, qujatta arbıtraj jáne aralyq sotynyń vedomstvosyna qarasty daýlardyń sıpatyn keńeıtýdi kózdeıdi. Sondaı-aq arbıtrajdyq jáne aralyq sottar ómir men densaýlyqqa, jeke ómirge, jeke jáne otbasylyq qupııaǵa qol suqpaýmen baılanysty múliktik emes sıpattaǵy daýdardy qaraýǵa quqyly emestigi týraly erejeni zańnamalyq turǵyda bekitýdi qarastyrady.

Mınıstrdiń aıtýyna qaraǵanda, 2010 jyly sottar shamamen 700 myń azamattyq is qaraǵan. 2011 jylǵy qaralǵan ister de osy shamada. «Osy sandardan kórinip turǵandaı-aq sottardyń azamattyq isterdi qaraýdaǵy jumystarynyń kóptigi úlken. Bul rette 2011 jyly aralyq sottar 22 - is, al arbıtrajdyq sot 3 is qaraǵan. Bizdiń kózqarasymyzsha aralyq jáne arbıtrajdyq sottardyń quziretin keńeıtý memlekettik sottardyń júktemesin barynsha tómendeter edi», - B.Imashev.

Onyń sózine qaraǵanda, zań jobasy Ekonmıkalyq damý jáne saýda, Qarjy mınıstrlikterimen, Bas prokýratýramen, Joǵarǵy sotpen jáne Prezıdent ákimshiligimen kelisilgen.  
Zań jobasyn Úkimet músheleri biraýyzdan maquldady.