QR Úkimeti ańshylyqta paıdalanylatyn aýshy jyrtqysh qustardy esepke alýdy júrgizý jáne tirkeý qaǵıdalaryn bekitti
Qazaqstan Respýblıkasy Úkimetiniń qaýlysy №725
2012 jylǵy 1 maýsym, Astana, Úkimet Úıi
Ańshylyqta paıdalanylatyn aýshy jyrtqysh qustardy esepke alýdy júrgizý jáne tirkeý qaǵıdalaryn bekitý týraly
«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 8-babynyń 24-6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Ańshylyqta paıdalanylatyn aýshy jyrtqysh qustardy esepke alýdy júrgizý jáne tirkeý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri
K.MÁSІMOV.
Qazaqstan Respýblıkasy Úkimetiniń 2012 jylǵy 1 maýsymdaǵy №725 qaýlysymen bekitilgen
Ańshylyqta paıdalanylatyn aýshy jyrtqysh qustardy esepke alýdy júrgizý jáne tirkeý qaǵıdalary
1. Jalpy erejeler
1. Osy Ańshylyqta paıdalanylatyn aýshy jyrtqysh qustardy esepke alýdy júrgizý jáne tirkeý qaǵıdalary (budan ári - Qaǵıdalar) «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańyna sáıkes ázirlendi jáne ańshylyqta paıdalanylatyn jáne qolda ustalatyn aýshy jyrtqysh qustardy esepke alý jáne tirkeý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) ańshylyqta paıdalanylatyn aýshy jyrtqysh qustar - ańshylyqta paıdalanylatyn búrkit, suńqar jáne qyrǵı;
2) qysqa merzimdi qolda ustaı turý - aýshy jyrtqysh qustardy 10 kúntizbelik kúnnen aspaıtyn merzimde qolda ustaı turý;
3) pasport - ańshylar men ańshylyq sharýashylyǵy sýbektileri qoǵamdyq birlestikteriniń respýblıkalyq qaýymdastyǵy (budan ári - qaýymdastyq) daıyndaıtyn aýshy jyrtqysh qustardyń turaqty túrde qolda ustalýynyń zańdylyǵy men onyń tirkelýin kýálandyratyn qujat.
3. Qazaqstan Respýblıkasynyń aýmaǵynda qolda ustalatyn, ańshylyqta paıdalanylatyn aýshy jyrtqysh qustar úsh aıǵa deıingi merzimge ýaqytsha ákelingen nemese qysqa merzimdi ýaqytsha qolda ustaýda turǵan qustardan basqa, qaýymdastyqta esepke alynýǵa jáne tirkelýge jatady.
2. Ańshylyqta paıdalanylatyn aýshy jyrtqysh qustardy esepke alýdy júrgizý jáne tirkeý tártibi
4. Ańshylyqta paıdalanylatyn aýshy jyrtqysh qustardy esepke alý men tirkeý júrgizýdi qaýymdastyq júzege asyrady.
5. Aýshy jyrtqysh qusty esepke alý jáne tirkeý úshin:
1) aýshy jyrtqysh qustyń túri, onyń jynysy, týǵan jyly, qolda ustalý maqsaty, qolda ustaýdyń boljamdy kezeńi, aýshy jyrtqysh qustyń satyp alynǵan jeri jáne tásili, saqınalarynyń nemese mıkrochıpteriniń bolýy, ótinish berýshiniń pasporttyń derekteri men mekenjaıy kórsetilgen, osy Qaǵıdalardyń 1-qosymshasyna sáıkes nysan boıynsha jeke nemese zańdy tulǵanyń ótinishi;
2) aýshy jyrtqysh qustyń satyp alyný zańdylyǵyn rastaıtyn qujattar (alýǵa ruqsattyń, satyp alý-satý shartynyń, túbirtektiń jáne (nemese) tólem qujatynyń kóshirmeleri) jáne burynǵy ıesiniń atyna resimdelgen aýshy jyrtqysh qustyń pasporty;
3) ańshy kýáliginiń kóshirmesi;
4) jeke tulǵanyń jeke kýáliginiń nemese pasportynyń jáne (nemese) zańdy tulǵany tirkeý týraly kýáliktiń kóshirmesi beriledi.
6. Qolda ustalǵan jáne shyqqan jerinde turatyn aýshy jyrtqysh qustardyń pasporttaryn resimdeý dúnıege kelgen kúntizbelik jyl aıaqtalǵanǵa deıin, biraq olarmen ań aýlaý bastalýdan keshiktirilmeı júrgiziledi.
7. Qaýymdastyq aýshy jyrtqysh qustar túriniń (jynysynyń, jasynyń) sáıkestigin jáne olardyń sıpattamasyn, olarǵa salynǵan enderdi, aýshy jyrtqysh qustardy baǵyp-kútý jaǵdaıynyń bolýyn tekseredi. Aýshy jyrtqysh qustar turaqty túrde qolda ustaý úshin alynbaıtyn saqınalarmen nemese mıkrochıptermen belgilenýi tıis.
8. Aýshy jyrtqysh qustarda en bolmaǵan jaǵdaıda qaýymdastyq mıkrochıptermen en salýdy uıymdastardy.
9. Aýshy jyrtqysh qusty tirkeý ol zańsyz oljalanǵan nemese satyp alynǵan jaǵdaılarda júrgizilmeıdi.
10. Aýshy jyrtqysh qustyń osy Qaǵıdalarǵa 2-qosymshaǵa sáıkes resimdelgen pasportyn qaýymdastyq ótinish tirkelgen sátten bastap 5 (bes) jumys kúni ishinde beredi.
11. Árbir aýshy jyrtqysh qusqa, osy Qaǵıdalarǵa 3-qosymshaǵa sáıkes nysan boıynsha aýshy jyrtqysh qusty esepke alý kartochkasy toltyrylady.
12. Aýshy jyrtqysh qus pen onyń ıesi týraly málimetter osy Qaǵıdalarǵa 4-qosymshaǵa sáıkes nysan boıynsha aýshy jyrtqysh qustardy tirkeý jýrnalyna engiziledi.
13. Tirkelgen aýshy jyrtqysh qus ańshylyq úshin paıdalanylǵan jaǵdaıda aýshy jyrtqysh qustyń túri, saqınanyń nemese mıkrochıptiń nómiri, pasportynyń nómiri kórsetilip, ańshy kýáligine jazba júzege asyrylady.
14. Aýshy jyrtqysh qus tabıǵatqa jiberilgen jaǵdaıda janýarlar dúnıesin qorǵaý, ósimin molaıtý jáne paıdalaný salasyndaǵy vedomstvolyq ýákiletti organdardyń aýmaqtyq bólimsheleri men qaýymdastyq ókilderiniń qatysýymen ıesiniń turǵylyqty jer boıynsha aýshy jyrtqysh qusty bosatý týraly akt jasalady.
15. Aýshy jyrtqysh qus joǵalyp ketken jáne ólgen jaǵdaıda onyń ıesi 3 (úsh) jumys kúni ishinde ózi tıisti akt resimdeıdi jáne ony qaýymdastyqqa esepten alý úshin beredi.
16. Aýshy jyrtqysh qus ıesiniń turǵylyqty jeri aýysqan nemese ıesi aýysqan jaǵdaıda onyń ıesi osy Qaǵıdalardyń 5-tarmaǵyna sáıkes 5 (bes) jumys kúni ishinde mekenjaıdy ózgertý jáne (nemese) pasportty qaıta resimdeý úshin qaýymdastyqqa qujattar beredi.
17. Osy Qaǵıdalarda belgilengen tártippen resimdelmegen aýshy jyrtqysh qustar zańsyz oljalanǵan bolyp esepteledi.
Ańshylyqta paıdalanylatyn aýshy jyrtqysh qustardy esepke
alýdy júrgizý jáne tirkeý qaǵıdalaryna qosymshalar respýblıkalyq BAQ-nyń betterinde jarııalanǵan.
