QR Úkimeti 2015-2019 jyldarǵa arnalǵan áleýmettik-ekonomıkalyq damý boljamyn maquldady - UEM
ASTANA. QazAqparat - 27 tamyzda Qazaqstan Respýblıkasy Úkimetiniń 2015-2019 jyldarǵa arnalǵan áleýmettik-ekonomıkalyq damý boljamy maquldandy, dep habarlady Ulttyq ekonomıka mınıstrliginiń baspasóz qyzmetinen.
«Áleýmettik-ekonomıkalyq damý boljamyn ázirlegen kezde 2014 jyldyń birinshi jartyjyldyǵyndaǵy ekonomıka salalarynyń damý qorytyndylary men memlekettik organdardyń 2015 - 2019 jyldarǵa arnalǵan óndiristiń negizgi ónim túrlerinen alynatyn kólemi men negizgi eksport taýarlaryna álemdik baǵalar boıynsha halyqaralyq uıymdardyń boljamdary eskerildi» delingen habarlamada. Vedomstvo taratqan aqparatqa súıensek, JІÓ-niń naqty ósýi 2015 jyly 5,0%-dy, al 2016 jyly 5,6%-dy, 2017 jyly 6,8%-dy, 2018 jyly 5,8%-dy jáne 2019 jyly 6,5%-dy deńgeıde bolady dep josparlanyp otyr. Boljam boıynsha, nomınaldy JІÓ 2015 jyly 45 trln. teńgeden 2019 jyly 72,8 trln. teńgege deıin ósedi. Jan basyna shaqqandaǵy JІÓ 2015 jyly 13,9 myńnan astam AQSh dollaryn qurap, 2019 jylǵa qaraı 21,4 myń AQSh dollaryna deıin ósedi.
