QR Úkimet basshysynyń orynbasary JOO-larǵa erik berýdi tapsyrdy
ASTANA. 13 qarasha. QazAqparat - Búgin QR Bilim jáne ǵylym mınıstrliginiń alqa májilisinde QR Premer-Mınıstriniń orynbasary Erbol Orynbaev joǵary oqý oryndarynyń derbes bolýynan qandaı nátıjege qol jetkiziletinin aıtyp berdi.
Onyń sózine qaraǵanda, bul úderis Qazaqstanda birtindep júrgiziledi. «Qazirgi kezde jumystar baıqaýshy keńesterden bastalady, keıinnen zańnamalyq deńgeıde iske asyrylady. Joǵary oqý oryndaryna avtonomııa beriledi, Bilim jáne ǵylym mınıstrligi olardy basqarmaıtyn bolady. JOO-lar óz erkimen sheshimder qabyldaı alady, onyń ishinde akademııalyq erkindikke de qatysty», - dedi E. Orynbaev. Vıtse-premerdiń paıymynsha, QR BǴM-ǵa qaraǵanda joǵary oqý oryndary stýdenttermen jáne jumys berýshilermen tikeleı ózara baılanysta bolǵandyqtan naryqtyń qajettiligin naqty biledi. «Innovatsııalyq baǵdarlamalardy engizip, ekonomıkanyń qajettilikterine ilesip otyrýy úshin olardyń «qoldaryn» bosatý kerek», - dedi E. Orynbaev.
