QR Úkimet basshysy «Pavlodar munaı-hımııa zaýyty» AQ-da boldy
PAVLODAR. Qyrkúıektiń 14-i. QazAqparat /Qanat Qulshymanov/ - QR Premer-Mınıstri Kárim Másimov Pavlodar oblysyna jasaǵan jumys sapary aıasynda «Pavlodar munaı-hımııa zaýyty» AQ-da boldy. Kásiporyn avtokólikterge arnalǵan janarmaı, «TS-1» markaly reaktıvti qozǵaltqyshtarǵa arnalǵan janar-jaǵarmaı, dızel otynyn, mazýt, munaı koksyn, qurylysqa, jol salýǵa, oqshaýlaýǵa arnalǵan bıtým, kommýnaldyq-turmystyq baǵyttaǵy gaz shyǵarýmen aınalysady.
Aǵymdaǵy jyldyń tamyz aıynda zaýytqa oktandy joǵarylatatyn N-metılamılın qospalar jelisi tájirıbelik-ónerkásiptik paıdalanýǵa berilgen bolatyn, jobanyń maqsaty AI-92, AI-95 markaly joǵary sapaly janarmaı shyǵarý deńgeıin joǵarlatý, sonyń esebinen AI-80 markaly tómenoktandy janarmaı mólsherin azaıtý bolyp tabylady.
Oktan joǵarylatatyn N-metılamılın qospalar jelisiniń qurylysyna ketken jalpy qarajattyń mólsheri 350 mln. teńgeni quraıdy. Kásiporynda 4 myńnan astam adam jumys isteıdi.
