QR Úkimet basshysy Mınıstrler kabınetin qurý aıaqtalǵanyn málimdedi
ASTANA. 12 sáýir. QazAqparat /Gúlnár Jandaǵulova/ - Qazaqstan Premer-mınıstri Kárim Másimov jańa Mınıstrler kabınetin qurý aıaqtalǵanyn habarlady.
«Kabınet tolyqtaı quryldy, endi tek Ádilet mınıstrin taǵaıyndaý ǵana qaldy. Oblystarǵa attanyp kettim. Qostanaıdan bastaımyn», - dep jazdy K.Másimov Twitter saıtyndaǵy óziniń jeke betinde.
Atap óte ketsek, osy aptanyń basynda Aýyl sharýashylyǵy, Týrızm jáne sport, Ekonomıkalyq damý men saýda, Kólik jáne kommýnıkatsııa mınıstrlikteriniń, SІM men ІІM jańa basshylary taǵaıyndaldy. Sondaı-aq, «Samuryq-Qazyna» Ulttyq ál-aýqat qorynyń tóraǵasy da aýysty. Barlyq vıtse-premerler óz laýazymdaryn saqtap qaldy.
