QR Úkimet basshysy KO jáne BEK múshe elder Úkimetteri basshylarynyń kezdesýine qatysty

ASTANA. QazAqparat - Búgin Máskeýde QR Premer-Mınıstri Kárim Másimov KO jáne BEK múshe elder Úkimetteri basshylarynyń kezdesýine qatysty.

Bul týraly primeminister.kz saıty habarlady.

Eýrazııalyq ekonomıkalyq odaq týraly Kelisim jobasyn talqylaý kún tártibindegi basty másele boldy. Atap aıtqanda, munaı gaz, aýyl sharýashylyǵy, temir jol men avtokólik tasymalyna qatysty birqatar máseleler qaraldy.

Kezdesý qortyndysy boıynsha ótken baspasóz máslıhaty barysynda K.Másimov «búgin barlyq daýly máseleler talqylanyp, ishinara túzetýlerden keıin qujat Memleket basshylarynyń qol qoıýyna daıyn bolady»,-dedi.

«Kelissóz protsesiniń ón boıynda biz negizgi prıntsıp retinde qatysýshy elderdiń ekonomıkalyq múddelerine sáıkestikti basshylyqqa aldyq»,-dep atap kórsetti QR Úkimetiniń basshysy.