QR Úkimet basshysy elordadaǵy Azıada-2011 nysandarynyń qurylysy barysymen tanys boldy
ASTANA. 8 jeltoqsan. QazAqparat /Qanat Qulshymanov/ - Sársenbi kúni Astanada QR Premer-Mınıstri Kárim Másimov 2011 jyly ótetin VII qysqy Azıada oıyndarynda paıdalanylatyn sport nysandarynyń qurylysy barysymen tanys boldy. Atap aıtqanda, Úkimet basshysy jabyq konkı stadıonynda, respýblıkalyq velosıpedpen jarysý alańy men qaıta jańartylyp jatqan «Qazaqstan» sport saraıynda boldy.
«Ózderińiz biletindeı, VII qysqy Azııa oıyndarynyń bastalýyna 56 kún qaldy jáne QR Premer-Mınıstri búgin Astanadaǵy sport nysandarynda bolyp, olardyń qanshalyqty jarysqa daıyn ekendigin tekserdi. Búgin nysandardyń daıyndyǵy 99 paıyzdy quraıdy dep boljaýǵa bolady. Barlyǵy merziminde daıyn bolady jáne jańa jylǵa deıin aıtylǵan syndar men aıaqtalmaǵan jumystar joıylady», - dedi jýrnalısterge QR týrızm jáne sport vıtse-mınıstri Talǵat Ermegııaev.
8 773 orynǵa arnalǵan konkı tebý stadıonynyń qurylysyn «Sembol» AQ júrgizip jatyr. Bul jerde tórt júz metrlik júgirý joly, qonaq úı, jattyǵý zaly men oıyn zaly, fıtnes-klýb, SPA ortalyq, dámhanalar men býfetter jelisi ornalasatyn bolady. Jobanyń smetalyq quny 20,8 mlrd. teńge. 18,6 mlrd. teńgege salynyp jatqan respýblıkalyq velosıpedpen jarysý alańyn «Ferrimex-Stahlwarenhandel GmbH» JShS turǵyzyp jatyr. Keshen ishinde voleıbol, basketbol jáne fýtbol alańdary, birneshe basseınder, fıtnes-ortalyqtar men muz arenasy bolady. «Qazaqstan» Sport saraıy men muz aıdynyn qaıta jańartýdy «Shar qurylys» kompanııasy júzege asyryp jatyr. Jobanyń quny 3,4 mlrd. teńge.
Esterińizge sala keteıik, Azıada-2011 oıyndary Astana men Almaty qalalarynda aldaǵy jyldyń 30 qańtary men 6 aqpany aralyǵynda sporttyń 11 túri boıynsha jarystar ótedi.
